Ni da Yaa Fauwaz

25-26

*NI DA YAA FAUWAZ*💕💕💕💕
_(Love story)_

2⃣5⃣ - 2⃣6⃣

Na
*MARYAM S INDABAWA (ANTTY)*
*MANS*

Facebook group:- *Indabawa novel group/ Hakuri da juriya hausa Novel Group*
Email:- -Maryamsuleiman220@gmail.com*
Wattapad *Msindabawa*

🌐🌐🌐🌐🌐🌐
*HAKURI DA JURIYA ONLINE WRITER'S* ✍🏻✍🏻✍🏻
*(HAJOW)*
*Gidan Amanci da albarka*
*_(We Educate, Entertain Enlightenment and  Exhortation our readers)_*

Dedicated to
*Nafisa Suleiman (Mommy nah)*
_Allah kara girma da daukaka ya raya zuri'a AMEEN_

Dukka gidajen biyun sai shirye shiryen biku suke, anyi anko a gida, amman Mommy tayiwa Yasmeen kaya yafi kala goma na fitar biki kuma ko wanne mai tsada ne. Banda kayan hadi na jaka da takalmi da fashions.

Ana sauran kwana biyar tana kwance a daki da magariba sai ga kiran Mommy  nan da nan ta mike, ta dauka tana fadin
"Mommy na ya kike ya gida da hidimar biki?"

"Alhamdulillah! Yasmeen sai yaushe zaki zo ne? Ana ta shirye shirye ke kina school yaushe zaku gama exam din ne?"
Kai ta dan sosa dan ita da so tayi ta dojewa bikin sai kuma ta tuna har time table ta turawa Mommy kuma tasan ba yadda za ai taki zuwa bikin gaba daya. Gobe zata gama Exam kuma tasan Mommy ba manta lokacin tai ba ta kira tane dan dai ta ji yaushe zata taho din. Dan haka ta ce
"Mommy gobe zamu gama ta safe ce ma, tare da Aisha zamu taho sai an gama biki zata tafi."

Mommy tace
"Masha Allah.  Daman ina son na fadawa wacce zata miki lalle da gyaran kai ranar da zakije.  Kinga gidan amare jibi zasu fara dan haka goben kuna gamawa ku taho dan aje a miki lalle da gyaran kan."

Cikin jin dadi tace
"Toh mommy godiya muke."
Sukai sallama. Aisha dake zaune tace
"Ca miki nayi zanje ne?"

Mikewa Yasmeen tayi tace
"Ai ko dan Mommy kyaje ke wai haka kike da kishin tsiya!"

Hararar ta Aisha tayi tace
"Duk wanda baya kishi dai ai ba mutun bane."
Dariya Yasmeen tayi dan ita maganar ma har ga Allah bata so. Taso ace suna tsaka da exam ne bikin yadda zata doje san ranta amman yanzu ba hali.

Washe gari suna gama exam suka tafi gida. Suna zuwa basu zauna ba suka fice ita da Mommy da Aisha. Inda Mommy ta kai su waje ne mai kyau. Nan ta sa aka hau gyare su da kalkalesu. Ke har kafa sai aka wanke aka gyara sannan aka hau gyaran jikun ta sai kace amarya. Sai da Mommy taga anja aikin sosai ta fita dan amso ragowar dinku nan su. Ana gama gyaran jiki aka wanke mata kai da yake bata shanfo aka gyara nata dan kan ta kamar mai shanfo dan tsayi da santsi. Aisha kuwa shanfo ta sa akai mata aka gama aka zo aka fara yarfa mata lalle ja da baki. Ba karamin kyau tayi ba dan duk wanda yazo gun zata suke amarya ce. Ba a gama ba sai magariba lokacin mommy ta dawo ta biya kudi mai yawa sannan suka tafi. Suna zuwa gida Mommy ta hau fito mata da kayan da tai mata. Nan Yasmeen ta hau murna har da rumgume mommy tana godiya. Aisha ma tayi mata anko gida da wani less da shadda kala uku itama tai ta murna.

Suna zaune suna hira Siyama ta shigo.  Bata kalli Yasmeen ba dan ita haushin ta take tace
"Anty Aisha ina yini?"

"Lafiya lou, ya shirin biki?"
Baki ta tabe dan ba abinda tayi daga lalle har gyaran kai. Tace
"Wannan sai ku amarori."

"Ke ban son rashin kunya wallahi ni sa'ar jice zaki shigo baki gaishe ni ba har ana miki magana kina sai mu amarori. Wallahi siyama ki kiyaye ni dan ina sakar miki shine zaki raina ni. Akan me ko dan na fada miki gaskiya, dana taba ce miki muna soyyyada *Ni da Yaa Fauwaz* ne ko yaya? Ki shiga hankalinki."

Hawaye ya zubowa Siyama dan duk family kowa yana mamakin al amarin auren Yaa Fauwaz da Billy ba da Yasmeen ba. Amman Siyama tafi kowa kin  abin duk da kowa ba so yake ba dannewa kawai sukai suna hidima. Ko mommy tana  sa Yasmeen tayi wani abu ne dan ta kau da zargin mutane da suke ta magana akan abun, wannan yasa take son Yasmeen ta nuna ba komai dan yadda take shirya ta a bikin nan kamar ita ce amarya dan ko me za'ai wa amarya sai hakan. Amman Siyama tafi kowa ko dan ita jinin Yasmeen dince sosai oho.
"Kiyi hakuri Anty Yasmeen!"
Ta fada tana mikewa.

Aisha tace
"Zo nan!"
Wajen Aisha tayi, Aisha ta kama hannun ta sukai cikin Dakin Yasmeen tace
"Ki daina kuka kinji. Kina taya Antyn ki da addu'a kuma ki daina nuna kishin ki a fili kinji?"

Kuka sosai Siyama take tana fadin
"Wallahi bana son Yaa Fauwaz."

"A'ah kada ki kara fada yayan kune fa."
A haka ta lallashe ta har tai shiru suka koma falo ana hira gaba daya.

Washe gari bridal shower ne inda amaryar ta fitar da maroon kalar material, inda ita kuma ta saka Silver kalar material, tai kyau amarya kamar ba gobe. an sha makeup sai rawar kai kawayen ta suke dan sam In ka ga kawayen Billy sai ka zata karuwai ne dan ita bata kula mutun in ba wayeyye ba su kuma a gun waye ita kula maza da saka kananun kaya da kayi abinda kake so ba kwaba bare harara. Fauwaz ya saka white suit, kowa yai kyau, sam bai san Yasmeen ta dawo ba dan yai ta kiran wayar ta a kashe kuma shima bai samun lokaci. Katinan abubuwan ma Billy ce ta aiko mata dana pass da sauran da yawa. Wanda ita kuma ta rabawa yan uwanta in na event din yara kamar su dinner da dinner abokan Yaa Fauwaz suka hada. Lunching kuma kowa ta bawa dan su Mie mie ma cewa sukai basu zuwa sai da tayi da gaske suka ce zasu amman da sunce abin yara ne.

Gun Makeup tajemdan mommy ce tai mata bucking din komai. Su Aisha na duk sunje, kowa an mai tasa. Yasmeen suke jira ba a karasa ba Yaa Ishaq ya kira yana motar suna ina dan Monmy tace yazo ya dauke su ya kai su. Nan siyama tai masa kwatance, yana zuwa suka fita dai dai lokacin Yasmeen ta fito cikin shigar ta, ta wani golding kalar material mai kyau da tsada. Ba karamin kyau tayi ba, dan duk wanda ya kale ta sai ya kara dan ka rantse da Allah amarya ce. Bata saba irin wannan kwalliyar dan ita daga powder sai man lebe.  Kullum kuma daga hijab sai dogayen riguna marasa shape wanda tana sa sune dan biye surar ta. Dan Mommy tinda taga irin surar ta, ta koyar mata da saka wadan dan iri Shigar dan gidan su gidan mazane yana da kyau tana kare tsiraicin ta dan in suka ga irin baiwar da Allah yai mata shaidan kan iya rudar su wannan yasa Mommy ta sabar mata wanda shima Yaa Fauwaz da yaga tana sonsu kullum su yake siyo mata. Dan kan kaga ta saka riga da Siket ko da zani zaka jima. Yanzu ma doguwar riga ce fitet gown dan mai dinkin ne kawai ya dinko mata da mita da komai ta saka ta. ai kam in ka ganta ka zata a jikin ta aka dinka dan sun zauna sosai.

Baki Ishaq ya saki yana fadin
"Wacce wanna?"
Hararar sa tayi ta bude gidan gaba ta shiga. Aisha da siyama suka shiga baya. Shiga yayi yace
"Gaskiya Princess din Yaa Fauwaz kinyi kyau. Kar fa kifi amarya kyau."

Dariya tayi tace
"Tab baka san amaryar bane. Mai kyau ce fa bare kuma ta hada da kwalliya."
Dariya yayi yace
"Ai kema me kyau ce."

"A'ah ban kai ta ba."
A wani hotel suka shirya abin. Wajen in kaje kamar rana dan yadda aka wadata shi da fitilu. Ango da amrya na zaune inda aka tanada. Kawayen amarya na fili suna ta shan rawar su kamar zasu balle.

Dai dai shigar su Yasmeen compound din dai dai lokacin Marzuk yakawo Anty Binta shida Yaa Nazir dan haka tare suka shiga gaba dayan su. Suna shiga kallo ya dawo gun su dan sunyi Bala'in kyau. Idon Yaa Fauwaz akan Yasmeen tinda suka shigo ya kasa daina kallon ta. A wajen da aka tanadar musu suka zauna. Nan aka fara pictures.

Dagin ango sukaje akai musu Billy ta kamo hannun Yasmeen tace
"Kai sister kinyi kyau sosai. Yau na kara tabbatar wa kinfi Yayan ki kyau."
Dariya tayi akai musu huton tare su biyu sannan suka saka shi a tsakiya. Sannan akai mishi shi da Yasmeen, sannan su duk suka shiga. Anan aka yanka cake aka ce amarya da ango su shiga fili, suka shiga sai rawa billy take ba kunya sai girgiza jiki kamar ba jikin ta ba.

Yasmeen ta like mata bandir din yan 200 da Mommy ta bata. Gefe yaa Fauwaz ya koma yana kallon ta, ai kam nan tazo ta ja hannun sa suka shiga filun suka fara rawa. Dan shima gwani ne wajen iya rawa. Sun jima sannan ya daina ya daga bandir din 1k ya dinga lika mata. Kamar ance a juyo yaga wani daga cikin kawayen su Billy yayi gun Yasmeen dake zaune ita kadai. Zama yaga yayi yana mumushi itama ta danyi murmushi duk da ba wai magana sukai ba. Wannan yasa yazare jikin daga na Billy yayi wajen su ransa a bace.

*Don't forget to show ur love by comment and vote, I need a comment but not with emoji and sticker or tnc*

Antyy ce🥰🥰