Ni da Yaa Fauwaz

79-80

*NI DA YAA FAUWAZ*💕💕💕💕
_(Love story)_

7⃣9⃣ - 8⃣0⃣

Na
*MARYAM S INDABAWA (ANTTY)*
*MANS*

Facebook group:- *Indabawa novel group/ Hakuri da juriya hausa Novel Group*
Email:- -Maryamsuleiman220@gmail.com*
Wattapad *Msindabawa*

🌐🌐🌐🌐🌐🌐
*HAKURI DA JURIYA ONLINE WRITER'S* ✍🏻✍🏻✍🏻
*(HAJOW)*
*Gidan Amanci da albarka*
*_(We Educate, Entertain Enlighte and  Exhortate our readers)_*

Dedicated to
*Nafisa Suleiman (Mommy nah)*
_Allah kara girma da daukaka ya raya zuri'a AMEEN_

*Mommy na ina godiya da soyayyar ki da kulawar ki gareni. Allah ya bar kauna. Allah ya kiyaye min ke, ya Raya Auta Al amin. Ya Albarkaci zuri'a. Ameen. Mommy nah Allah saka miku da alheri ya bar mana ke ya raya miki Autah Yasmeen Ameen. (Kusa min iyaye na a addu'a Mommy na da Mommy nah)*

Kullum sai sunyi waya da Abbas dan wata shakuwa ta shiga tsakanin su sosai, Haka nan Yaa Fauwaz kullum yana gidan makale da Yasmeen dan sai dai ba zata fita ba amman tare zasu ko ina dan har ya fi matsa mata a yanzu ita kuwa sai yakice shi take yi amman sai ya nuna bai san tana yi ba dan a gaban sa take shan soyayyar ta da Abbas wanda yanzu take ganin babu wani kamar sa. Muhammad ma na kiran ta suyi waya kuma har agaban Yaa Fauwaz wanda in yaji tana waya kamar an zuba masa ruwan dalma.

Kwanan ta goma da dawowa ya takura mata sai yazo duk yadda taso ta hanashi amman dole ta yadda. Nan ta fadawa Mommy, zo kuga murna gun Mommy kamar tayi me? Nan ta shiga kitchen da kanta aka hada masa kayan abinci kala kala. Bangaren Yaa Fauwaz tasa aka gyara mata, Ranar sam Yaa Fauwaz bai zo gidan ba saboda yana can ciwo ya kwantar dashi sosai.

Wani less Milk kala Mommy ta zabar mata dinkin riga da zani ne, sai ta saka coffee kalar mayafi batai make up ba daga hoda sai man lebe kawai. Sai turaren ta mai dadin kamshi. A falon Yaa Fauwaz tasame shi dan har yaci abincin da aka tanadar masa. Yana ganin Yasmeen ya ji ya kara fadawa kogin son ta. Dan Yasmeen abar so ce ga kowa tayi kyau sosai.

Har ta zauna yana kallon ta tace
"Kallon fa?"
Murmushi yayi yace
"wallahi Yasmeen ke me kyau ce!"

"Kyau na kake so? In kyau na kake so tabbas wata rana zai gushe."
Murmushi yayi yace
"Yasmeen kenan! Ina sonki dan abubuwan da Manzon Allah ya ce aso mace dan kyan ki, nasabar ki, hankali da nutsuwar ki, ilimin ki, da dukiyar ki"

Murmushin jin dadi tayi tace
"Ina ga wada nan abubuwan ni kam!"

"Ke ma kinsan kina dasu, In bakisani ba ki bari muyi aure zan nuna miki su a tare dake."
Murmushi tayi tace
"Bamu gaisa ba fa!"

"Haka ne? Ina yini toh?"
Ido fa zaro tace,
"A'ah ai ni zan gaisar a kai. Ina yini? Ya gajiyar hanya?"

"Alhamdulillah! Nasame ki lafiya?"
"Lafiya Alhamdulillah!"

Nan sukai ta hira abin su. Sosai Yasmeen ta sake dashi duk da tana jin kunyarsa. Har Mahaifiyar sa sai da suka gaisa da ita mace mai mutunci da hakuri. Nan suka gaisa da kannen sa kowa yana fadin Anty Yasmeen na da kirki.

Da zai tafi ya ajiye mata wasu manyan leda kin amsa tayi amman ya matsa mata dan kannen su dake compound yasa su diba sukai ciki kuma yace mata tin dawo to kwanan nan za ayi komai a gama dan har sun koma ckul ita ce bata koma ba.

Aciki ta samu Mommy na duba kayan kaya ne masu kyau da tsada Mommy tace Angode Alah saka da alheri. Suna hira da Mommy take fada mata bukatar Abbas kan cewa a basu dama a saka rana. Mommy tace zata fadawa Alhaij Babba.

Da dare bayan Alhaji Baba ya dawo Mommy ta kai masa kayan da Abbas ya dawo. Alhaji yasa albarka yace a kira masa Yasmeen. Idar da sallah Isha'in ta kenana aka aiko tazo ko hijab bata cire ba ta fita tayi bangaren Alhaji Babba yana zaune ta shiga ta zaune kan ta a kasa gefen Mommy.

Bayan ta gaishe shi tai masa sannu da zuwa. Kallon ta yayi yace
"Tin kina Maiduguri Abbas ya aiko akan yana son a saka ranar auren ku, sai dai bamu yadda an saka ba nace sai munyi bincike bangare na nayi bincike akan mahaifin sa dashi kansa Abbas din dan har Yayan ku na saka ya bincika min, dan haka zan kira shi naji komai game dashi, sai kuma ni nawa bincikn da nayi Alhamdulillah komai lafiya yaron ya sami yabo dan haka na kira naji ke kin yadda kin aminta kina son sa zaki aure shi."

Fuskar ta ta boye a jikin Mommy, Mommy tace
"Kaga Alhaji ta yadda tana son sa fa, saboda itama yau da yazo tatare ni da maganar sa wai yace yana tini kaga kenan ta yadda ko?"

Ita dai bata dago ba Alhaji Babba yace
"Yar nema kenan shine ni kuma ake jin kunya ta. To sai in hana kowa na ce ni zan kara ta biyu ko?"

Mommy tai dariya tace
"Me zatai da tsobo ita sai sabon jini."

"To ai tsohon yafi iya rike mata dan kiji. Amman tinda shi ta zaba Allah tabbatar da alheri zan fadawa Baba duk yadda akai sai a neme su a sanar dasu suzo a saka rana."
"Hakan yayi!"

Mommy ta fada.
"To ya zancem komawa makatantar taki ne? Yaushe zaki koma?"

"Ran Monday zan koma!!"
Yasmeen ta fada kan ta a jikin Mommy kirjin ta na bugawa wanda ta rasa saboda me.
"Ok Allah kai mu, zan turo miki da kudin da zaki yi siyayar ki!"

"Nagode Abba Allah kata budi da daukaka nagode!"
Ta mike ta fice tana rufe fuska wai kunyar Alhaji Babba take ji. A daki ta kwanta sai hawaye ta rasa kukan me take yi?

A ranta tace
"Ashe dai ba zan auri Yaa Fauwaz ba kamar yadda na rasa Ahmad, ashe wanda ban dauki soyayyar sa da mahimmaci ba shine zabina."

Ido ta lumshe hawaye na zuba ita sam baya kin Abbas dan Abbas mutun ne mai saukin kai da hakuri da nutsuwa dai ka zauna dashi zaka fahimci abubuwa masu yawa a game dashi. Tabbas tayi dacen Abbas sai dai tai ta addu'a Allah ya sa mata son mijin ta ya cire mata na Yaa Fauwaz gaba daya. Dan ba ta yadda za ai tana aure kuma tana jin son wani. Tayi kuka mai yawa a daren sannan ta mike tai alwala tai sallah ta koma fa kwanta.

Yau kwanta biyu rabon ta da Yaa Fauwaz duk sai ta shiga damuwa ta kira layin sa duk akashe haka ta zauna tunanin ko lafiya.

Yau yaji dama dama dan haka ya nufi can gidan Marzuk. Marzuk ma baya nan sai matar sa Binta. Lemo ta kawo masa da ruwa da snacks ta zauna suna gaisawa. Tace
"Yaya baka da lafiya ne?"

"Wallahi Binta ina cikin tashin hankali, daman na rasa wanda zan fadawa shine nace bari na same ki ko Marzuk, wallahi Binta Yasmeen nake so, son ta yai min mugun kamu na rasa ya zanyi na kasa sanar dai ita bare Mommy."

Dariya Binta tayi a zuciya tace,
"Hmmm Yaa Fauwaz kenan anzo wajen"

A fili kuma yace
"To ni Yaya Fauwaz me zan maka a kan wannan al amarin? Sai sai kasami mommy, ni kuma zan tayaka da addu'a amman dan Allah ka rage tunani kar ka shiga wani halin dan duk ka rame wallahi. Inasha Allahu komai zai zo da sauki."

"Allah yasa! Bari naje can gidan!"
Ya mike ya tafi can gidan su Yasmeen.

Mommy bata nan sai Yasmeen dake girki a kitchen yana shiga ya fada saman kujera ya lumshe idonsa, shi duk duniyar tai masa zafi. Ga ba Billy ya kasa zuwa gidan sa ma dan sam bai son ya ganta bare ta dada masa wani ciwon a zuciya dan yasan sai dai bai je badan sai yaga abinda dole xai sa yayi magana. Wai daman, haka so yake yakan koma kaji baka son abu. Ko da yake shi bai ki Billy ba dabiun tane sam baya so. Tsaki yayi yace
"Tabbas zan iya kamuwa da ciwon Zuciyar ko dan matsalar Billy gakuma son Yasmeen dake azalzala ta shin yaya zanyi. Ya illahi ka taimaken ka ban mafita ka yafen abun da na maka ka yafen kin bin umarnin iyaye na da banyi ba."

*Ni kam na fara jin tausayin wannan guy din fa kufa?*