ခွဲခွာရတဲ့အချိန်တွေသည် ဝမ်းနည်းဖွယ်ကောင်းလွန်းလှသည်။
ခဏတာပဲဖြစ်ဖြစ်၊ ရက်ပေါင်းများစွာပဲကြာကြာ၊ နှစ်ပေါင်းများစွာ ကုန်လွန်ခြင်းတို့ဖြစ်စေကာမူ နှုတ်ဆက်ရသည့် အချိန်တွေသည်
ပျော်ရွှင်ခြင်းထက်....ဝမ်းနည်းစိတ်တို့သာ ပိုစေသည်။
ခြံရှေ့အကွယ်နေရာတွင် လွင်သစ်သွေးတို့သုံးယောက် မတ်တပ်ရပ်နေကြသည်။ လွင်သစ်သွေးသည် မျက်နှာချင်းဆိုင် အနေအထားဖြင့် ဧက၏ပခုံးစွန်းနှစ်ဖက်ကို ဆုပ်ကိုင်၍.....
"ဧက....စာမေးပွဲက ဘယ်လောက်မှ မလိုတော့ဘူး....
ပိုကြိုးစားရမယ်ဆိုတာသိတယ်မလား...စာကျက်နေတဲ့အချိန်
ဘာကိုမှမတွေးနဲ့...အဲ့ဒီ့အတွေးတွေက ကိုယ့်ကို ဒုက္ခပေးလိမ့်မယ်....
ကိုကိုမှာတာတွေ မှတ်ထားနော်....
ဧက က တော်ပြီးသားဆိုတော့....
တခြားထပ်မှာစရာတော့ မရှိဘူး....
တစ်ခုပဲ.....ကျန်းမာရေးကို ဂရုစိုက်...
မဖျားစေနဲ့..ညဉ့်နက်တဲ့ထိလည်း စာမကျက်နဲ့...
စောစောအိပ်...အဓိကကတော့...နေမကောင်းမဖြစ်ဖို့ပဲ..."
စကားအဆုံးတွင် ဧကဆံပင်လေးတွေအား ဖြည်းဖြည်းချင်းပွတ်သပ်ပေးလိုက်သည်။ စိတ်မချခြင်းတွေသည် သူ့ရှေ့တွင် ရပ်နေသော ဖြူဖြူသေးသေးကောင်လေးထံမှ လာသည်။ ဖြစ်နိုင်ရင် စာမေးပွဲပြီးတဲ့ထိ အနားမှာ သေချာရှိနေပေးချင်ပေမဲ့ မဖြစ်နိုင်....။
.
.
.
"ကိုကိုနဲ့ ဘယ်တော့ထပ်တွေ့ရမလဲဟင်......"
"အခြေအနေပေးတဲ့ တစ်နေ့ပေါ့...ဧကရယ်...
ဥပမာ...ဒီနေ့လိုမျိုးပေါ့....."
လွင်သစ်သွေးသည် မိုးထက်အား ကျေးဇူးတင်သည့်အမူအရာနှင့် ပြုံး၍ လှမ်းကြည့်လိုက်သေးသည်။ အမှန်တော့ ဧကတို့အိမ်ရှေ့သို့
သူနေ့တိုင်းရောက်ခဲ့သည်။တစ်နေရာမှာ ပုန်းကွယ်ရင်း အိမ်ထဲသို့ ချောင်းကြည့်သည်။ဧကအား တစ်ခါတရံ ဝရန်တာမှာ...၊ တခါတရံ ခြံထဲကဒန်းပေါ်မှာ တွေ့ရတတ်ပေမဲ့ မခေါ်ဖြစ်..၊ တိတ်တိတ်လေး ကြည့်ပြီး အိမ်သို့လှည့်ပြန်ခဲ့ရတာပင်....။ အဆင်ပြေနေသည်ကို တွေ့့ရရင် သူကျေနပ်သည်။
YOU ARE READING
အမုန္းမ်ဥ္းၿပိဳင္ႏွစ္ေၾကာင္း၏ဆံုမွတ္(Z/U) အမုန်းမျဉ်းပြိုင်နှစ်ကြောင်း၏ဆုံမှတ်
Romance(Zawgyi) မ်ဥ္းၿပိဳင္ႏွစ္ေၾကာင္းဟာ ဘယ္ေတာ့မွမဆံုႏိုင္ဘူးလို႔ သူမ်ားေတြေျပာၾကတယ္ အမုန္းမ်ဥ္းၿပိဳင္ႏွစ္ေၾကာင္းကေရာ ဆံုႏိုင္ဖို႔ ျဖစ္ႏိုင္ပါ့မလား........... Own creation (Unicode) မျဉ်းပြိုင်နှစ်ကြောင်းဟာ ဘယ်တော့မှမဆုံနိုင်ဘူးလို့ သူများတွေပြောကြတယ် အ...
