နေ့ခင်းထမင်းစားနားချိန်ဖြစ်သည်မို့ ပြည့်စုံထွန်းလင်းတစ်ယောက် ရုံးမှစောစောပြန်လာပြီး ဒေါ်လုံးပြင်ပေးထားသော ထမင်းဝိုင်းထဲတွင် စားဖို့ဝင်အထိုင်...ထိုင်ခုံပေါ် တင်မကျသေးခင်မှာပဲ ဧကအခန်းဆီမှအသံတစ်ခုကြားလိုက်ရသောကြောင့်...
အလျင်အမြန်ထပြေးသွားမိသည်။ပြည့်စုံထွန်းလင်း၏အပြုအမူမှာ စိုးရိမ်တကြီးဟန် ဖြစ်နေသောကြောင့် ဒေါ်လုံးသည်လည်း သူမ၏ ဝဝဖိုင့်ဖိုင့်ခန္ဒာကိုယ်အား အစွမ်းကုန်လှုပ်ခါ၍ ဧကအခန်းဆီသို့
ဦးတည်လိုက်ရတော့သည်။ဧကအခန်းထဲရောက်သွားတော့ ကုတင်ပေါ်တွင် ဒူးလေးကျုံ့ကာ ဝမ်းဗိုက်နှင့်ပေါင်အကြား လက်နှစ်ဖက်လုံးထိုးညှပ်၍ မျက်နှာရှုံ့မဲ့နေသော ဧကအား တွေ့လိုက်ရသည်ကြောင့်..ပျာပျာသလဲနှင့်
"ညီလေး.....ဘာဖြစ်လို့လဲ....
ဗိုက်ကဘာဖြစ်လို့လဲ....""မသိဘူး...ကိုကိုကြီး...
စူးပြီးတော့အောင့်နေတယ်....""စူးပြီးအောင့်တယ်...ဟုတ်လား...."
ဧကစကားကြားတော့ ပြည့်စုံထွန်းလင်းတစ်ယောက် ပိုလို့ပင်စိုးရိမ်သွားခဲ့သည်။
ဧကမှာ ဗိုက်ခဏခဏနာတတ် သောကြောင့် အစာကိုဂရုတစိုက်စားရန် ၊ထမင်းစားပြီးတိုင်း ဆေးပုံမှန်သောက်ရန် ပြည့်စုံထွန်းလင်းသည် အချိန်တိုင်း မှာနေတတ်သည်ကြောင့် အစာအိမ်နှင့်ပတ်သတ်၍ နာတာ၊ကျင်တာမျိုးမကြားရတာကြာပြီဖြစ်သော်လည်း...ယခုတွင်
တော့ လေထိုး၍သာအောင့်နေကျဗိုက်တွင် စူး၍အောင့်သည်ဟု ပြောသံကြားရသောအခါ ဧက၏ဒူးခေါင်းအောက်ထဲ လက်လျိှုသွင်း၍ ချီမပြီး ဆေးရုံသွားဖို့ ဟန်ပြင်ပါတော့သည်။ပြည့်စုံထွန်းလင်းလုပ်ပုံကြောင့် ဒေါ်လုံးသည်လည်း ထိတ်ထိတ်ပျာပျာဖြစ်၍ ဧကကိုပဲဝိုင်းချီရတော့မလို၊ တံခါးပဲပြေးဖွင့်ရမလို ယောက်ယတ်ခတ်ကာ နေပါသည်။
"အာ....ဒေါ်လုံး....ဧကကို ကျွန်တော်နိုင်တယ်....
တံခါးအရင်ဖွင့်ပေး...ပြီးရင်ကျွန်တော့ပိုက်ဆံအိတ်နဲ့ဖုန်းလေးယူပြီးကားနားလိုက်ခဲ့....."
YOU ARE READING
အမုန္းမ်ဥ္းၿပိဳင္ႏွစ္ေၾကာင္း၏ဆံုမွတ္(Z/U) အမုန်းမျဉ်းပြိုင်နှစ်ကြောင်း၏ဆုံမှတ်
Romance(Zawgyi) မ်ဥ္းၿပိဳင္ႏွစ္ေၾကာင္းဟာ ဘယ္ေတာ့မွမဆံုႏိုင္ဘူးလို႔ သူမ်ားေတြေျပာၾကတယ္ အမုန္းမ်ဥ္းၿပိဳင္ႏွစ္ေၾကာင္းကေရာ ဆံုႏိုင္ဖို႔ ျဖစ္ႏိုင္ပါ့မလား........... Own creation (Unicode) မျဉ်းပြိုင်နှစ်ကြောင်းဟာ ဘယ်တော့မှမဆုံနိုင်ဘူးလို့ သူများတွေပြောကြတယ် အ...