TWENTY-FOUR SECONDS (NO LONGER COMPLETE)

CHAPTER FIVE

A/N [October 27, 2020]: May mga errors here and there. Saka ko na lang i-edit.

Tentative portrayer of Gunter's character.  I think the one voted by many readers last year as the most appropriate portrayer given Gunter's charateristics. What do you think?

**********

Nalito si Shelby kung bakit lahat ng mga kaklase niya pati na ang mga partners ng mga ito ay kilala si Gunter Albrecht. Ang ibig bang sabihin no'n ay may sinabi ito at nagkunwari lang na butler?

Mabilis na nag-replay sa utak ng dalaga ang una nilang pagkikita sa Skylark Hotel. Sa pagkakatanda niya ito ang kumuha ng kanyang sasakyan sa parking lot ng naturang hotel. Pagkatapos pinagmaneho pa siya nito nang kung ilang milya bago niya namalayan. Nagbigay sana siya ng tip dito pero mabilis nitong tinanggihan. Kung isang ordinaryong butler nga ang lalaki malaking bagay ang makatanggap ng tip na isang libong dolyar. Magkano lang naman ang sahod nito kada oras. Tapos sa pagkakaalala pa niya nang una niya itong makilala maging nang sumunod nilang pagkikita sa in-house fashion show ng Margaux Quandt at kanina nang nakasalubong niya ito sa pasilyo papunta sa silid na ito nakasuot ang lalaki ng mamahaling suit at sapatos. Ang ibig sabihin ay hindi talaga siya butler! Isang mayamamang nilalang lang ang pinagkakaabalahan ng mga mukhang pera niyang kaklase kung kaya nakasisiguro na siya ngayon na may sinabing tao itong si Gunter. Ang kaso nga lang wala siyang kaalam-alam kung ano ang negosyo nito. Not that she cares. Walang kuwenta sa kanya ang estado sa buhay ng isang lalaki. Kailanman ay hindi niya iyon naging pamantayan sa pagkilatis ng kanyang manliligaw. Nagkataon lang na mayaman ang pamilya nila Alfonso.

"Shelby! Naririnig mo ba kami?"

Halos yugyugin na ni Irene ang balikat ni Shelby. Pati ang ibang nakapaligid sa kanila, mapakaklase ng dalaga o mga partners ng mga ito ay atat sa kanyang kasagutan. Sila na raw ba ni Gunter Albrecht?

"Ha?" nabibiglang sagot naman ni Shelby. Saka tumingin sa pintong kapipinid pa lamang ng kalalabas lang na si Gunter. Larawan ng may malalim na iniisip ang dalaga.

"Ano ba, Shelby! Pambihira naman 'to, o. Pa-suspense ka pa, eh. Palagay ko kayo na nga ni Gunter Albrecht at hindi mo lang maamin sa aming lahat," sabi naman ni Mila.

"Okay lang, oy. Total naman ay matagal-tagal na rin kayong wala ni Alfonso, di ba?" sabat naman ni Kyla. Nginitian pa nito si Shelby na tila gustong ipahiwatig dito na okay lang na makipag-boyfriend na siya. Hindi nila siya ija-judged. Kaso Shelby knew better. Alam niyang kunwari lang ang pakitang iyon ng pinsan ng dating nobyo na ever since ay hindi naman naging boto sa kanya dahil mas gusto nitong makatuluyan ni Alfonso ay ang BFF nitong si Irene.

"Kaya lang---hindi ba't engaged na ang Gunter na iyon? I heard it was even front page news on Chicago Tribune last year because the girl was from one of Chicago's elite families," pahayag naman ni Riva, ang dati nilang class president.

Napahilot-hilot sa noo si Shelby. Nabwisit siya sa mga tanong nila pero dahil sa dikta ng magandang asal hindi niya nagawang supalpalin ang mga ito. She just smiled at them all as she sipped her wine. Alam niyang mas matindi ang epekto no'n sa kanila dahil they were made to guess kung ano ba talaga ang relasyon niya sa lalaking tila ay pinapangarap pala ng mga mukhang pera niyang mga kaeskwela.

**********

"Have you already made a decision, Gunter?" bungad agad ni Mr. Stevenson pagkapasok na pagkapasok nito sa upisina ni Gunter sa fifty-fifth floor ng Skylark Quandt Building.

"I'm not signing the contract, Albert. We'll find a cheaper ad agency," walang kagatul-gatol na sagot ni Gunter habang patuloy ito sa pagtitipa sa kanyang laptop.

"What do you mean a cheaper ad agency? This is already THE best deal!" halos pumiyok na si Mr. Stevenson sa ginawang pangungumbinsi nito kay Gunter. Parang tinatamad lang na sinulyapan ng huli ang matandang COO na nakatukod ang mga kamay sa gilid ng kanyang mesa at nagpatuloy na siya sa ginagawa.