TWENTY-FOUR SECONDS (NO LONGER COMPLETE)

CHAPTER SEVEN

May buti ring naidulot ang pagsali ni Shelby sa in-house fashion show nang dalawang beses. Natalo man siya ni Katarina Horvathova at ito ang napili bilang assistant ni Lord Randolph,  nabigyan naman siya ng break. Hindi na siya bumalik sa pagiging sample maker buhat nang gabing iyon. Binigyan din siya ng sarili niyang mga mananahi at sample makers. Kaso nga lang paminsan-minsan, katulad ngayon parang gusto na niyang sumuko at tumayo ng sariling fashion house. Kahit kasi wala na roon si Katarina ay hindi pa rin siya ipinalit sa nabakante nitong posisyon. Ang pinoproblema lang niya'y wala pa siyang sapat na exposure sa industriya dito sa Amerika. Iba naman kasi ang New York kung ikompara sa Pilipinas. Sa sarili niyang bayan, nagkaroon na rin siya ng munting pangalan at naging suki pa ng ilang celebrities, kaso lang ang karamihan doon ay dahil sa pasekretong panggagapang ng mom niya. Naging kaibigan nito kasi ang ilang movie producers na nakilala sa pagdalo-dalo sa mga aktibidades ng parents and teachers sa St. John's. Dahil sa koneksiyon nito ay nairekomenda ang mga gawa niya sa mga sikat pang artista. Naipagpasalamat naman iyon ng dalaga sa ina, but then deep inside it didn't make her feel good. Ayaw niya kasi ng ganoon. Ang gusto niya lumalapit ang mga kliyente sa kanya hindi dahil may kaugnayan sa kanyang pamilya kundi'y dahil totoong nagustuhan ang mga disenyo niya.

"Hay naku, Shelby. You are so idealistic! Ang iba nga riyan halos ginagawa lahat para mabigyan lang ng ganyang pabor na iniiwasan mo, tapos ikaw aayaw-ayaw ka pa? We have to admit it. Sometimes, success is partly due to connections rather than real talent and skill."

"Ayaw ko nga ng ganoon. I want to make it on my own. Total naman, I do not need money to survive." At nginitian niya si Dane bago ito kinurot sa pisngi. "I have to go. Pakabait ka rito!"

Tumatawang tumakbo na palabas ng condo unit nila si Shelby. Ilang minuto pa ang nakalipas ay nasa bus terminal na siya na magdadala sa kanya sa Margaux Quandt. Pagdating sa gusali, may napansin siyang kakaiba. May namataan siyang dalawang men in black na nakatayo sa harapan ng building. Naka-Amerikana sila ng kulay itim, sunglasses na itim at makintab na itim na sapatos din. Palagay pa niya ay mga armas ang nakabukol sa kani-kanilang tagiliran.

"Who's in the house?" pabulong niyang tanong sa security guard na kumapkap sa kanya.

"It's the one and only princess," sarkastikong sagot ng itim guwardyang babae. She even rolled her eyes. Naintriga tuloy si Shelby kung sino ang bumisita sa Margaux Quandt.

Pagdating niya sa kanyang working area, mas matindi ang excitement doon. May kung anong nagpapa-'kilig' sa mga tauhan niya. Naisip tuloy niya si Gunter. Iyon lang naman ang naging VIP client niya so far. At sa tuwing nagpapasukat iyon sa kanila, halos maihi sa tensyong sekswal ang mga babae niyang mananahi at sample maker.

Nagpalinga-linga ang dalaga. If he was here before her, siguradong masasamyo pa rin niya ang cologne nito. Ganoon ka tapang ang presence ng taong iyon. Not that she disliked the strong scent. Katunayan, gusto niya iyon. Kasi iyong ginagamit no'n ay galing din sa gumagawa no'ng paboritong scent ng daddy niya.

Naalala niya ang sinabi ng guard. Princess. Ibig sabihin babae ang VIP na dumalaw sa Margaux Quandt. Kapatid kaya ni Gunter Albrecht? Ngunit ayon sa ginawang research ni Dane dito, only child daw si Gunter.

Bago pa siya makabuo ng isa pang hinuha, bumukas ang kanyang upisina at pumasok ang isang napakagandang blonde woman. From her make up to her clothes and purse, Shelby thought she could be a 'somebody'. Ito kaya ang prinsesa na sinasabi ng guwardiya?

"Shelby!" masiglang bati ni Lord Randolp.

For the first time since the design stealing incident, ay nginitian siya nito nang buong tamis. Biruin mo, tatlong linggo rin ang tinagal ng imbestigasyon niyon. For that whole period ay ni hindi siya nilapitan o kinausap man lang nito.