السلام وعليكم ..🌹
مقتطف من روايـة " غربال الروح "
بقلم / رحيل القوافي ...
ألليـل كـان ورقـأً - وكنـا نحن حبراً
قـل لـي يامعشوقـي
هل عٌشقـت وجهـا ام حجـرا ؟؟
لـمِ أجـب ولـم تجـب...!!
لقـد عشَقنـا لكـن..!!
سكـوتنا كـان ليس لهـا طـريق
كـ حبنـا ليس لهـا طريق ...
،،،،،،،،،،،
....اركض يله اركض جان يكمز مو يركض والحذاء بدال مايلبسه شاده ابركبت هذا اكثر انسان نقي ابهاي الديرة رحنه نركض واحنه انشوف النار تاكل الزرعه كله.
... صارت ابوجهي اخت ابليس اخبث مره بالكون كله جانت واكف وابيده الجفجير اليشوف ايكول راح اطكني كام ايصيح وهي ابعيطه وحده سكتت
-هااا ام البلاوي شمسويه
-مامسويه شي بس كفينه شرج عفت ورجعت اركض وهو يركض وراي انداريت عليه وكلت ابكلبي اسليمه الكفتج كون
... وصلنه يم الشجره المعلكه عليه ماقبلو ينزلوه حتى اصير عبره الغيرها بس على شنهي ذبحوها وعلكوها على ذنب ماسوته.
عاينت وكلت اخذت حقج منهم وبس بعد راح اخذ اكثر من هذا عاينت عليه جان يمسح بدموع كال
-هي هي بريئه انا انا عايت هو هو هيج سوه من كتلهم ماصدكوني انا انا عاينت عاينت والله عاينت
-وانا هم اعرف هي ماسوت شي بس حكم القوي على الضعيف
... رجعنه للبيت بسرعه رحت يم الهوايش بالاول خاطر اضيع الريح شلت الحولي (الخوف الصغير) وكمت امسح بي ملابس خاطر ريحتي اصير مثل ريحته
... جاي اخش للبيت سمعت صوت المزيقه وطلع يركض اتلكيت بالباب
-هااا شكو وين رايح
-امشي امج اصيحنه هناك ابيت الشيخ استعجلي
... رحت ويا لبيت الشيخ اول مادخلت صارت عيني على شباكها جانت واكف وجهه المشوه ضحكتلي وهاي اول مره ابحياتي اعاينه تضحك دارت عينه صوب البستان ورجعت باوعت عليه
... معقوله عرفت انا الحركته وفرحت دخلت جوه چانت امي غاطه بالشغل
كالت.... روحي لبستان جيبي زبيب وانا ماصدكت اروحن يم عزيز الروح رحت طاير وعباتي طير وياي لحكني ادكول خيالي وين مايشوفني يركض وراي.
... وصلت للبستان وجان يحرث بالكاع جان لابس دشداشه رافعه امخليه بالحزام والبجامة امبينه هو دومه من يشتغل مايلبس نعال رحت يمه
- الله يساعدك
-ويساعدج هلا
- امي اتريد زبيب
-روحي لـ امي خلي هي تطيج
-بس اوكفي المن امج اتريد الزبيب
-البيت الشيخ
-جا اذا البيت الشيخ روحي ماعدنا زبيب
....انا بقيت اباوع عليه شلون يشتغل يمه اغدي سبع فدوات انا الطولك رفع راسه وشافني صافنه عليه ضحك واجه يمي وكف
-الحب هنا ممنوع يا نار
-انت ليش اسميني نار انا مو اسمي نار
-انتي نار وراح تاكليني
-بس انا ...........
،،،
...جنه كاعدين على طرف الشط ومادين رجلينه بي وهاي سلبوحه ماتكعد راحه بس اتحوس
-خايبه ناوشيني هذاك الجرخ خلي اطك ابراسها حتى اخلص منه.
-يااا انا اسويت
.... جنه كاعدات ونضحك على حب الله حتى ظهر حب البشر انا هذا احس جريمتي مادري ليش كبر حبه ابكلبي بسرعة البرق وماحسبت حساب لباجر
من چانو ...
...يكولون مالها اهل فكر هو جان دومه يضحك ابوجهي جانت ضحكت تبني امل ابكلبي كلش جبير وانا لليوم من اشوفنه اتخربط احوالي رغم جنه بس نتعارك
..وتوصل نوبات اطكه بالطابوك حتى بقيت اثر ابراسه صدك لو كالو من حبك لا شاك اشرلي على الزرع
....وراح عاينت عليه وشاورتني كالت كومي انا اغطي عليج بس اسويلي عشاء چثير جوعانه جاوبت... اي بس لاتخليهم ايحسون عليه رحت اركض
-وين صرتي يبست رجلي من الانتظار
-انا انتظرتك عمر اشصار اذا انتظرت الدقايق
-مو انتظرج دقايق انتظرج دهر ابحاله
-وشلون اذا عرفو هلك ايدفنون عدلين
-اشحده اليوصلج وانا اجر النفس صدكيني اخذج يعني اخذج
-بس هلك مايرضون انا وحده بلا هل
- مايهمني انتي وبس عندي
..... جان يحجي ابكل ثقه جنه عمه من يتهم احد حتى لو باطل وجذاب اصدكه من وره الثقه العنده جنه كاعدين ساكتين بس واحد ايباوع على الثاني سمعت الصفيره كمت مفزوعة من مكاني ويا كومتي صار اكبالي ......
،،
💞 يتبع
💖 انتظرو الروايه الجديده
راح اتكون مشوقه واحداث مختلفه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصميم 💕SozanaAlogadi
راح يكون النشر9/7 يوم الأثنين
أنت تقرأ
غربال الروح
Romanceتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
