غربال الروح

البارت الثاني والثلاثين

الروايه "غربال الروح "
بقلم / رحيل القوافي ....
Ghadeer-1997

سكتنه وسولفن دكات الكلوب
وعرفنه شيوجعه الفاركله محبوب
ذكرناكم وفز الشيب بالراس
ستحينه وكلنه لشمات حالوب
ستغليتون جي مانعرف نخون
دخلتو كلوبنه ونسدت البوب
طبعكم طبع شايب
واصل للموت
على فراش المنيه ومارضئ يتوب
هاي خشومكم
لو بيرغ شيوخ
عليمن رافعيهه
.........

نازك ••••

الخبر مايسر الخاطر خصوص بعد ماعباس دز عليه ينشدني عله عبدالله ماعرفت انه جنيت عله روحي بتصرفاتي عباس كل ضنه من جنت اسولف.

ويا عبدالله عباله نسيت مظهر وشلون نسيته
وانه كل ليله اتذكره وتهيج عندي المواجيع اهيس
الليل انخلق بس للعذابي .

عبدالله جان مجرد وهم او وسيله خاطر ابعد عن مظهر نسيت حب عبدالله الي ورغبته بالزواج مني.

اعترف جنت أنانيه ويا بس موش بيدي ردت شي يخليني انسئ غياب مظهر وهو اجه وعرض نفسه جانت سوالفه حلو.

بس ماكدرت تنسيني العشگ الأولي انه سامعه اصعب حب يمر بيه الانسان هو العشگ الأولي واصعب عذاب اذا ماخذا.

يبقئ يتعذب طول عمره ويعيش عله ذكره
انه ماريد مظهر يصير ذكره أريده واقع.

انطيت رفضي العباس وجانت ردت فعله عادي وجنه متوقع هذا الجواب مني.

چا ليش سئلني وليش فتح الموضوع جدام مظهر معغوله يريد يوصل شي المظهر ظليت بالبيت ماطلعت ابجي اي ابجي. !!

على عشكي واهيس بي ضاع مني
شلون وانه كل مالزم ركبتي اتذكره.

هو حط ملكيته عليه من غير مايحس وجود جواهر يمي كدر يخفف عني ريحان مامش اختفت عرفت بيها راحت لبستان ثابت.

ماتحملت الفراگ اسئلوني عليه صرت اعرفنه كلش زين وخاصة افراك شريج الروح يوجع حيل الله لايعاينه الاحد.

طلعت ويا جواهر انزهب العشئ هاي اول مره جواهر تتفاعل وياي وتسولف وتضحك تعودت عليه حزينه لو تشكي جروحه انه مالومها حگها بس الروح هم حگها تفرع شويه.

واحنه نسولف دشت ريحان وعيونها تلهج هاي البت ماتكدر اضم فرحته وخاصة اذا السالفه بيه ثابت عيونه صير تلهج من الفرح.

ذبت عبايته واجت اتساعدنه كملنه كلشي وصبينا
حسيت جواهر ابتعدت ندهت كالت ... استحي من عباس
كتله ... هو شنهي تستحين تعاي

... جريت ومشيت للحوش اجه عباس ومن عاين جواهر موجود اغتاض وعكد حواجب شنهي سالفته النوب هاي حست بي وكامت لغفت عبايته

وكالت ... انه اروحن للبيت يمكم العافيه
كمت .... هو شنهي يمكم العافيه اليوم هنا تباتين
كالت ... لاخيه امشي الهلي احسن