الروايه "غربال الروح "
بقلم /رحيل القوافي ......
Ghadeer-1997
للتأمن فرح دور جيوبه وشوف
جايبلك دمع من تخلص الفرحه
متاجر دنيتك والسوك مامضمون
والربحان ابد ليكيف بربحه
مثل مد وجزر والدهر مامعروف
ونكاب الليل يكشخ لو طلع صبحه
ولا كلمن عله بجناحه لاح الغيم
خاف بمطره يبتل مايرف جنحه
جم صاحي صبح بيدين ملج الموت
وجم معلوا طاب من العلل واصحه
.........
نازك •••
ظلينه ساكتين والدنيا ليلت كلش قطع
علينه السكوت صوت عباس فحطان ...!!!!
سحب نفس براحه وكال ... هاي انتي هنا وانه ماخليت مچان يعتب عليه كثر مادورت عليج
كال ابو غايب ... ليش بس لاسوتلك مصيبه واجت يمي تختل
رد عليه عباس وهو يضحك ... لاع مامسويه شي بس انه ظل بالي عليه عبالي يم جواهر من رحت ونشدت عليه كالت ماشفت خفت عليه
رد عليه ابو غايب ... هاي جدامك مابيه شي بس شوي مشتاكه لخته
.... ودعنه ابو غايب ومشينه للبيت لكينه جواهر تهفج منا ومنا من عاينت عليه اجتي تركض وتزمخ بيه
كالت... وين جنت تعرفين شنهي الصار بيه من اجه ونشد عنج
رديت ... هاي انه قابل وين اولي
ردت ... شمدريني كلت هاي مسودنه خافن ركبت الغطار وراحت
.... ضحكت على تفكيرها انه بالنسبه لجواهر حبل انقاض كل ماتنعصر بزاويه تجيني وخوفها اليوم هذا السبب الرئسي صح هي تحبني بس تحب حمايتي اله اكثر ..
وصلناها لبيت وكالت اروحن الضحئ عبن هم تهفج عليه شنهي السالفه الديره كله تهفج عليه هل كثر انه غاليه ومادري.
رحنه بوجهه لضحى سلمت عليه وردينه للبيت
من دشينه لكينه امي كاعده بالحوش وصفنه اجييه
وصفنه توديه ..
زهبت العشئ تعشينه ونمنا ماكعدت غير ثاني يوم البيت فارغ مابي صوت
طلعت لكيت عباس يزكي بالزرع وامي كالعاده بمچانها بيت الشيخ.
طلعت اوزع علف للحلال سمعت واحد يحمحم
نداريت عله الصوت عاينته واكف كبالي وعيونه حمر ...!!!
صبحت عليه ورد عليه عيونه جان بيه هواي حجي بس يستحي يكوله كام يساعدني يجيب ماي ويترس بالصطول ..
ماتحملت اظل ساكته هل كثر كتله ... شعجب اليوم هنا موش من عوايدك تعوف كاعك
رد عليه ... جبل الصبر خلص وصار تراب
رديت عليه ... وعله شنهي خلص صبرك
كال ... نار شوكت ترد ماكالو
ابتسمت ثاري وصال المرحلته الهيام واشوگ وبعد مايتحمل الفراگ چا انه شكول انه من كثر الصبر صرت اهيس الصبر ماي وغركني بي
كتله ... خابرهم عباس وكالو بنهايت الاسبوع ايجبوها
كال ... يعني رقمهم عدكم
هزيت راسي اله وكل شوي يريد يحجي ويسكت ثابت من النوع القوي مايحب يبين ضعفه چدام احد وهاي اول مره اعاينه بهج حاله ردت اريحه شويه.
أنت تقرأ
غربال الروح
Lãng mạnتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
