غربال الروح

البارت السادس

الروايه "غريال الروح "
بقلمي /رحيل القوافي .....
Ghadeer-1997
اليه بكل كلب متعوب تذكار
وچلماتي اصبحت مثل المناشير ...
•••••
طالت والعمر كل ماتلف
يدور ...
غم ذاك العمر ينكضي
معلعل ...

...............

رحت انظف مكان الهوايش جنت اشيل بالتبغ من الكاع حتى اجيب مي واسوي مكان للحولي ....

لكيت سبحه وجانت كلش حلوه
اخذته ورحت لامي بس قبل لا ادخل
وكفني حجي ام ستار

_ هي خوش بنيه وحليوه بس لو ما
_ شني البس شبيه نازك سوتلج شي
_ لا ماسوتلي بس انقهر عليه ياهو يقبل بيها وهي بت حرام مامعروفين منو اهلها ماعدها اصل وفصل راح تبقئ طول عمرها بنظر الكل بت حرام

_ لا ام ستار انتي غلطانه نازك بتي وربت على ايدي ماقبل اي واحد يكول عليه بت حرام شكول عليك ابو عباس انا ردت اكول جبت توم بس هو رفض

_حقه خيه ليش يسمي بت موش بته ابسمه هس هاي ريحان صح اهلها ماكو بس على لاقل معروفين منو مو مثل نازك ذبوها ابدمها حتى ماعرفو ينظفوها
من الدم قبل لايشمروها مثل الزباله

_شني خيه جايه متحلفه على نازك كولي سوتلج شي
_ لا خيه مو هي ابني عبدالله ايريد اخطبها اله وانا بصراحه ماقبل اخطب الابني بت حرام ماريدها تدخل بيتي

_ همزين انتي رفضتي وكسرتي بخاطر ابنج لان لو جايه جان انا الي رفضت اطيج بتي انا مانطي بناتي غير بس لليقدرهن ويعرف قيمتهن وخاف بعد ابنج رايدها خلي يكطع الامل مستحيل انطي بتي اله

_خيه على كيفج ويانه هي صح البت حلوه بس محد يكلبها الكل يعرف بيها بت حرام

..... ماتحملت اسمع اكثر رجعت لمكاني اي مكاني يم الحيوانات الناس كلها شوفني حيوانه وقذر وخايفين اوصخهم طول عمري امي ادافع عليه.

بدال المره الجابتني وحملت بيه بس اريد
اعرف شكالت الروحه من شمرتني

بس ام عباس والنعم منها دوم دكول بتي بالمقابل الكل جان يكولون بت حرام اشمريها خلي تولي زين ليش اني مو  بشر مثلي مثلهم مو بيدي اذا قدري هيج

اعيش بدون اهل هس مو هاي ريحان
شو محد يحجي عليها مثلي لو بس
لان عدها اسم ...!

من اشوف ظلم الناس الي احمد الله لان ريحان عدها اسم ماسمت
بت الحرام جان ماتت هي اذا صاحولها
ام عيون تموت من القهر وتعارك ذبان وجهه

كمت من مكاني واني اهيس ظهري انحنئ احيانا الحجي ايأذي اكثر من اليد
اتمنيت ام ستار ضاربتني ولا حجت الي حجته هس

طلعت من المكان الي دوم يشهد حزني وكسر خاطري
اشوف هاي الهوايش والصخول احسن من هواي ناس
على الاقل مايوم عيروني لو كالن بت حرام لو روحي انتي وصخه