غربال الروح

البارت الثلاثين

الروايه "غربال الروح "
بقلم / رحيل القوافي .....
Ghadeer-1997
عاينت العين ذبلانه
حسبالي الوجع عاميه
ثاري العين مشتاكه تريد تعاين غاليه ...!!!

.......

وعلى هذا المنوال خلص الأسبوع ودشينه بالأسبوع الثاني واي خبر عن جيت ريحان مامش ظل بالنه وعباس كل ساعه يخابر.

وماكو رد مقنع ....
جانت الدنيا لليل والخوف مسيطر على كلوبنه امي وكعت مريض بسب غياب ريحان.

قرر عباس ايروح البغداد بالغطار وانه جهزت عبايتي عبن اروح ويا يعني اروح لو يحرك روحه جدامي.

نمت بس شنهي كل شوي افز خافن يعوفني ويروح
ومن خوفي فرشت بالحوش حتى اعرفن اذا طلع ..

كعدت على طكطه مال زقاطه وانه ركض كظ اخوك لايطيح جنت مخليه عبايتي جوه راسي مثل هدوم العيد جريته وركضت ورا.

طلعت اركض من سرعتي انضربت بي جان واكف وصافن عليه،چان ابتعدت عن ظهر واعاين وين صافن وكعدت عيني عله جواهر جانت لاخفه عبايته عليه وكاعده ...

وزكريه مكرفص ونايم على رجلها
رحت عليهم وهي من الصوت فزت
عبن الكاع كلها زرع وصوت العوادين تتكسر ..

فتحت عينه كالت...شنهي بيش الساعه هساع
رديت ...باربعه الفجر وانتي شنومج هنا ليش مادشيتي جوه
كالت ...اجيت فايت وكت وكلت خافن نايمين

رجعت كالت ...شنهي وين رايحين
كتله ...لبغداد انجيب ريحان
كامت وكفت ونضرب راس زكريه بالكاع كالت ..خلي اجي وياكم عليج الله
كمز زكريه بالنص يصيح ... انه هم انه هم اجي اجي.

اخذتهم ومشيت صوب عباس الواكف و مدلغم وماد البوز اربع مترات
وكفنه جدامه وكلنه انعاين عليه كال بنتره ... هاا خير شمضيعين بوجهي

رديت بكل لطف عليه ... مامش شي بس جواهر وزكريه يجون ويانه لبغداد
كال على نفس طريجتي بالحجي ... اي وبعد ناخذ امي وشيخ كامل وام جاسم

رديت عليه بعفويه .... لاع شنهي ماخذين شيخ كامل ماجي اذا اجه
كال ... ليش هو منهو كال انه راح اخذج وياي حتى جايبه جماعتج وجايه يله امشي ردي للبيت.

كتله .... وادعت امي مارد واجي وراك وانت تعرف اسويها
جر نفس طويل وكال ... عبن اعرف سوالفج وادري كلش زين تجين وراي يله امشي بس وحدج.

... درت على زكريه وجواهر جانت جواهر الدمعه واكفه بطرف عينه الله يعلم شنهي جره عليه وخلاها هنا تنام اجماله من طنكرت صارت احله وجه عباس فهه كباله.

درت عليه ... عباس بروح ابوك خلي ناخذهم حباب ريحان بس تعاين زكريه تكيف
عاين صوب جواهر ... وهاي خافن اهلها مايرضون
ضحكت جواهر بغصه وكالت ... هلي مالك دخل بيهم انه من البارحه طالعه وهمه مايعرفون ظلت عله هاي حباب عباس خلني اجي وياكم.