الروايه "غربال الروح "
بقلم / رحيل القوافي ......
Ghadeer-1997
هي العين مو للشوف
شيسوي الدمع بيهه ...😢😢
.........
حجيت وأريد أطمنه ... أنشالله اصير من نصيبك هي منتظرتك لاتخاف ماتروح لغيرك لو اعرف اخذه واضمه الك.
... ضحك وكام سلم وراح ضليت اعاين على شط وآنه افكر اشمر روحي بي بلكت انظف من وسخي اي اهيس صرت وصخ اذا هذا شوكت ماعجبه وأجه.
اتلمسني وانه جسمي صير بي رجفه كل ماذكر لمساته جانت دموعي تزل وعبالك جمرات موش دموع فزيت عله صوت عباس.
كال ... شنهي چا اليوم جواهر موش تابت عدنه
ضربت كصتي كله من ورا نسيته هزيت راسي شفت زكريه ويا ريحان اخذت ومشيت صوب بيت جواهر وصلت دكيت الباب طلعتلي ..
خالته كتله ... اريد جواهر والبغبغاء وراي يردد .. اي اريد جواهر جواهر
صفنته بوجهي وكالت... خاله الدنيا لليل شتردين منه
غمضت عيوني بصبر اعرفن بيه تخاف عليه بس الغايه في نفس يعقوبه وآنه حتى ماعرف شعدها جواهر
كتله ... لاتخافين مامش شي بس أريدنها تبات عندي عبن حيل مغتاضه
كالت .. مو خاف ابوها مايرضى
رديت عليه ... هي شنهي مايرضى والحمزه اروح للشيخ عليه
.. خطيه هي سمعت بطاري الشيخ وجهه كام يضرب الوان عبن كله تعرف احنه نشتغل بيت الشيخ دشت جوه وآنه دشيت وراه والذيل وياي طبعن ...
شوي طلعت جواهر والضحكه تارسه وجهه دنك زكريه عليه وكال .. اكلج اكلج هاي هاي ههمم تتعررف تضحك تهي بهي والله عم خوش.
اجتي عليه وباستني بخدي كالت... خفت تنسيني ردت اطكن واموت
عاينت عليه .. اسمالله شلون انساج.
... واحنه عله هاي الوكفه طلع ابوها سبع جيرات افرك المايسون عاين عليه بغضب عبن اليوم مامش ونيس لليلته .
كال وبعدله شوي ويهجم عليه ... شنهي هاي جديد تبات عندج
رديت عليه ... لاعمي الغالي بس مغتاضه وصالي فتره بعيده عن جواهر كلت نلتم لمت احباب اليوم واذا عندك اعترض مشنا انروح البيت الشيخ عادي.
زفر النفس بغيض ودش جوه وطلعنه احنه جواهر ضحكت وكالت ...من شوكت صار عمج الغالي
ضحكت وكتله ... ياا قبل دقايق وهساع اموت منه.
ضحكت وعاينت على زكريه الي يمشي ويانه ولازم غندرته الي امعلكه بركبته
كالت... شنهي اليوم زكريه يسهر ويانه اهله شعجب امبقي الحد هساع
كتله ... عبن امسوي دك بأمه مهزوم منه.
وصلنا للبيت ولكينه عباس وريحان كاعدين عله الكرويته جواهر همست ابذني
كالت... اكلج خلي انكعد عله الساكيه عبن استحي من اخوج
... هزيتله راسي والله مالومه عبن عباس ماينزل عينه منه وين الجان يكول اريد احبه من بغداد ضحكت عليه ثاري بت الفلاليح خذت عكله ..
أنت تقرأ
غربال الروح
Любовные романыتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
