غربال الروح

البارت الثالث والثلاثين

الروايه "غربال الروح "
بقلم /رحيل القوافي ......
Ghadeer-1997

شما يمر اسمك تهب بينه الحنين
چا شحال لو عاينتك كبالي ...؟؟؟
.......

...ضحكنه عليه مشينه وكل وحده بينه وبكلبها فرحه جانت وكفتنه كصير بس بكلوب اليحبون تساوي،سنه.

نظرت العاشك عافيه للمعشوك.....

فتنه للبستان وطشرنه انلم جوزات وفجاء سمعنه عيطه .....

ركضنه لمچان العيطه لكينه ساره وجسمه كل يرجف نشدناها شمالج
ردت بحيره وخوف... مامش شي بس بزون جيتت عليه وخفت.

بس خوفه وقلقه من غير شي جانت تحجي وتتلفت اكو شي سالفتها موش خاليه وعلى هاي الهوسه طلعنه ابو غايب.

يزمخ بينه انهزمنه كلنا وكلمن مشئ البيته جنت الطريج كله افكر بساره وشمالها موش من طبعه تخاف من بزون اكو شي ثاني.

دخلنا للبيت واحنه فحطانين ركضت اشرب ماي عبن حيل تعبنه من الركض
اجت امي ادردم ويا روحه كعدت بالحوش وتسولف.

كعدت يمها واجوي عباس وريحان جانت بس ادردم كلشي مافتهمنه منها سئلته شمالج عاينت عليه بخزره سكتت الله اليستر اليوم.

ظلينه كاعدين طك چبدي منه غير تحجي مامش نشدها عباس
زمخت بي مشت ريحان جابت ماي وكعدت ادكلها ناعم.

يله نطقت انه وعباس واحد يعاين بوجهه الثاني
كالت امي .. هاي ام حامد مزوجه ابو حامد صارلها جثير عدهم اثنين اولاد
ليش ما هذاك اليوم جايه الزلمه وكايلله اريدن بعد طفل ليش ماجاي يصير عندج المهم اخذها ومشئ سو تحاليل ومن هاي السوالف الماعرفنهن.

طلع الرجال مايخلف وعند نسبة العقم كلش جبير
هو خوش رجال متدين ويخاف الله سئله منين هذولا
اذا انه ماخلف.

.... امي جانت تحجي وانه فاكه حلكي شنهي هاي السالف العوجه ام حامد موش من ديرتنه من غير ديره بس امي تعرفه جانت توديله حليب.

ردت امي كملت السالفه ... بعد مانشدها وانطاها الأمان كالت انه جنت جاهل وطايشه وانت جنت بالجيش وكل شهرين تنزل اسبوع وترد ترجع هناك.

صويحبك جلال كام يجي وبحجت يسئل عليك وكل يوم جان يجي لحد ماغشمرني والله جنت جاهل ماعرفن هذولا موش ولدك كل ضني انت ابوهم.

رد عليه وكال ... انه راح استر عليج ومافضحج وله هي سالفتج ماينسكت عنه بس من اليوم تحرمين عليه ولو جان جلال عايش جان شمرتج عليه بس حمدي ربج مات.

.... امي ويا كل حجاي تحجي تضرب على رجليه امي تتخبل من الخيانه عدها المره اصير الرجال واحد وهاي هي ماترهم الثاني حتى لو مات لو طلكت اتكول هي الغسمه مره وحد موش رحم الله من عادها.