غربال الروح

البارت الثالث عشر

الروايه "غربال الروح "
بقلم / رحيل القوافي........
Ghadeer-1997
حبابي واعز من صحتي.. صحتهم
نسوني ولا ضمايرهم... صحتهم
بدية عمت وبلساني ...صحتهم
سمعو وشافو ... ولا فزعو عليه
.................

جنت اسمع حجي الشيخ وشلون ايدور السالفه المصلحته وشلون هو يريدها توصل ماچذبت من سميته داهيه جواب حسين ريح صدري

الدنيا احيان تبين التحبك من التكرهك وحسين بكل موقف يثبت محبته النه وحرصه علينه دوم اعاين بعيونه الخوف ومعاملته ويانه

جانت كلش زين وعبالك يريد ايعوض فقدانه لاخت الماتت بينه ....
الشيخ استفزه و جاوبه حسين .... اشتحجي انت هذني بحسبت خواتي ربن وكبرن بهذا البيت وفوك كل هذا امي الله يرحمها جانت تحبهن وهذا وحد كافي حتى ادافعلهن ..

جاوبه .... بسك ولك لاتخليني اروح وانبش كبرها هساع تعرف بيه ماحبه لاجيب طاريه كبالي

رد عليه حسين ... اي حقك تكرها لان جانت ماترضئ على ضلمك وتوكف بوجهك ....

وراها اجه شيخ كامل اخذ حسين وختفه صوته من يختفي اهيس بالخوف وجود حتى لو ورا الباب يحسسني بالامان ...

زحفت ورحت يم ريحان وجانت اشبه بالفاقده كوه تفتح عين وتغمض عينه ما جذب عباس يوم السماها عود الريحان وتتأذه من الهوئ.

اجه بالي عباس وهساع شحاله اكيد كاعد بره ماياچل هذا طبعه اذا زعل لو ضاج يزاعل لاچل اااخ عباس دوم الدنيا تصطرنه ...

بقينه على هاي الحطه يطب يضرب ويطلع وماياخذ لاحك ولاباطل
اجتي ام سالم من شافت حالنه ضحكت وكالت ...حل تستاهلن عساجن بالزايد
من الله ماحبجن بنات الحرام ...

تفلت علينه وضربتني برجلها وطلعت سئلت نفسي ليش ليش هيج تعاملني موبس هي لاكثريه مثلها كلوبهم سودا ماتنضف بيوم. 

شنو سوينا وليش الدنيا دوم ادور بينه وليش ماتنصف والفقير وللغني عكازه صايره ليش ....

يمكن صار اليل مادري الوكت يمشي واحنه بس نضرب
اكو هواي اشياء بداخلي اهيس ماتت جنت اصبر روحي واكول
عندي اهل بس وينهم ريحان حالتها بالضيم وينهم ...

شو هساع محد اجه وساعدني حتى امي بطلت اسمع صوتها وله عباس اختفئ وبالي مشغول عليه ...

تهيج الجروح وجروح تنام بس شينيم عيون الضاكت الضيم ....

حركت ريحان وحاولت اكعده سحبته وتجيتها على الحايط مالت راسها وخلته على جتفي ردت اصرخ من الوجع جتفي موتني

اعض بشفتي حتى احبس الوجع ماريدها تحس بضعفي وتضعف ضغطت براسها حيل عليه وذبت كل حيلها وانا ماعندي حيل اتحملها ...

اسنوني كامت اتكزكز من الوجع والبرد مين اجه البرد مادري بعده الجو مو كلش بارد لزمت ايد ريحان لكيتها مصخنه نار بعدتها عني بقيت ادك على الباب
وطلب المساعده ...