السلام وعليكم ..🌹
روايـة " غربال الروح "
بقلم / رحيل القوافي ...
Ghadeer-1997
لاصدقاء، حظ ونصيب ..
يختارهم الله لك ...
اما درسا ..
أو سند على مدى الحياة ......
،،،،،،،،،،،،
ثاني يوم كعدت امي جانت كلش تعبانه وماتكدر تتحرك من ورا اجدامي حيل لاجماتها لفت ام سالم تسئل عليه وليش متاخره
من عاينت حالته وماتكدر ادكوم سلمت وراحت
هسه اسوي سالفه وعلى امي مايعجبها تجي
تشتغل وتتحجج ومن هاي السوالف بس رغم
شكثر ماتحجي بيت الشيخ مايستغنون عن امي هاي البير والغطئ الهم كلشي تعرف عليهم ودافنته ابطنها.
عفته وطلعت اني وريحان اليوم مامدامه علمود امي.
رحنه أنودي خظورات من الحصدنا البيت ام فليح و ام حسان
ابثواب ابو عباس.
واحنه راجعين شفنه شاب العربانه مالته عاصيه بالطين ومايكدر ايطلعها
رحنه انساعد من طيب خاطر جان قريب على البيت مالتنه
احنه ندفع وهو يرفع طلع شيخ كامل ويا مظهر.
مظهر اجه يمي وكال .... وخري غاد
انثولت صار كلش كريب عليه وجهي حتى نفس ابتعدت واخذ هو مكاني من طلعنه
الشيخ كال ... والله عفيه طلع هم بيجن خير وتعرفن اساعدن
جاوبته وانا عيني بعينه ... چا شكالولك قابل احنه شيخ كامل اعتمد على غيري
ضحك وكال ... انا ماعرف ليش لحد هسه صابر عليج بس لو اعرف ليش
عاين على الشاب وكال .... والك ماتعرف اتكول شكرا شني مو ساعدنك
ضحك الشاب وهو يعاين عليه وكال .... ماكو داعي للشكر شيخ احنه عرف
عاينت عليه هاي اول مره انا اشوفه بعد منين اجه عرف
جاوبته وانا عاين ابوجه زين .... بس انا ماعرفك هاي اول مره اشوفك بيه
رفع حاجبه وكال .... شني ماعرفتيني لاتستحين من الشيخ
هدت بي ريحان ... هي انت جاي تكلك ماعرفك ليش تاكل تبن زايد وآنه همين ماعرفك وماشايفيك بعد منين اجيت لفيت
وزدت على كلام ريحان ... وتعال شني هاي رفعت الحاجب والضحكه ولاتستحين من الشيخ اي وبلايه على شنو استحي من الشيخ
الشاب انحصر بالزاوي وماعرف شني يحجي عاط بي مظهر
كال... ماجاوبهن مو يحاجنك
بهل لاثناء اجه ضياء كال ... خير بنات خالي شكو الله بالخير شيخ شلونك
جاوبته ...هذا مايعرف يحجي بس يمسلت
عاين عليه ضياء هو شكل ضياء مرعب طويل وضخم واسود بس انا اشوفه شقندحي وهي كلها تخاف منه.
_ شكو ولك شتريد منه
_ ماريد شي هيج جنت اشاقئ
_ ومنين تعرفهن حتى تشاقئ وياهن احجي ولك
_ هسه على كيفك لاسويهن زينات براسي
_ زينات وغصب عنك حيوان
... راد ايطكر ضياء بس الشيخ وكف بينهم وطرد الولد وسد السالفه حتى لا طول نزلت راسي صارت عيني على ايد مظهر
أنت تقرأ
غربال الروح
Romanceتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
