غربال الروح

البارت الثاني والاربعين

الروايه " غربال الروح "
بقلم / رحيل القوافي ....
Ghadeer-1997

بيه حسره ومختنك والدنيا ليل
وبيه ونت ايتام بس ونينهم همس
وكمت اجر النفس بعد بالف حيل
وشلون بيه وحيلي خلص من امس
,,,,,
مرات من كد ماتنطعن
ماتنجرح من تنذم
ومرات توصل مرحله
بروحك بعد ماتهتم.
......

صفنت وعبالك تذكر شي جنت اعاين على شكلها شلون يتغير اضاهر صاير شي
والله طلع هل الدموع موش سهله

رديت كلت ... شنهي يمه وين صفنتي
كالت ... هج يمه اذكرت شي يغهر بعدني الحد هساع ماكدر انسا ولايروح من بالي

سئلت ... شنهي الصار بعدين ..؟؟

ردت ... الصار بعدين امهم ماتت من الغهر ورا سبوع جانت ماتتحمل صرخات دموع وشكلها بس يايمه ابوكته الحجي الطلعو الوادم كالو شيخ كامل هو كتلها عبن ساعدتت بتها خاطر تنهزم.

كتلها ... زين يمه ماكتيلي ليش حابسها بالحجر وقافلين الباب عليه والمفتاح عد شيخ كامل ..؟؟؟

كالت .... دموع جانت بعالم ثاني عالم بس وجع وغهر ودموع مثل اسمها جانت كل متعاين بالمريه اتظل تصرخ لحد ماينبح صوتها.

وبيوم هجمت على كامل ونبت اضافيرها بي لو مالله ساتر جان مات بديها كوه خلصو من جواها هاي الحادثه اتكررت اكثر من مره صار شيخ كامل عدو بعد ماجان حبيب وماتنام له على ايده ....

بس بيوم جانت دنيا ليل جابت نفط وذبت بحجرة شيخ كامل وكبت النار وحترك نص البيت جانت هي واكف وتعاين عليهم وتكول ... حلل تستاهلون هذا ربع نار كلبي....

جانت جلماتها تزرف الكلب بعدها شيخ كامل خاف منها وكال... هاي خطر ومش بعگلها المسكنات التاخذهن اچلن عگلها.

من بعدها انحبست بالحجره وانقفل عليها الباب وبيوم النحبست كسرت الضوء مال الحجره والحجر جان بيها دخان مال الحرك صارت هندس.

ومن ذاك اليوم لليوم هي محبوسه بالحجره وممنوع اي واحد يدخل عليه ماعدا انه وشيخ حازم.

كتلها ... زين ليش اخوانها مايدخلون عليها
ردت عليه ... حسن وحسين جانو صغار بس جعفر جبير وهااا اذكرت فد مره جعفر طگ الحنين الخته وبسكوت اخذ المفتاح ودشلها ورا بشوي كبت العيط وظلت صرخ طلع جعفر منها يبجي ويكول ... والله ماسويت شي الها بس ردت احضنها.

من بعدها اتغير بيت الشيخ وصار من سئ للسوء كامو يدورون ورا هاي الوادم ومايصدكون ايلزمون شي على الوادم خاطر يفضحوهم.

..... شنهي الغصه اليسمع حجي امي ايكول بيت الشيخ مامش بفقارتهم والوادم ظالميهم.

جنت كاعد يم امي اندك الباب عرفت مظهر سلمت ومشيت حتى عباس وريحان ماعاينتهم.