غربال الروح

البارت السادس والثلاثين

السلام وعليكم🌹🌹
الروايه "غربال الروح "
بقلم /رحيل القوافي .....
Ghadeer-1997
محد كدر يتوقع ...

ماأروع ان يكون
النصيب هو الحبيب ❤😍

......

راحت وياها كومه حسرات واوجاع جواهر نادره والمثلها قليلات صبرت وتحملت چثير وكدرت تحافض على نفسها.

مشيت للبيت لكيتهم ملتمين كعدت يمهم اشرب جاي اندك الباب ودشو شيخ حازم وكامل ويا ام مظهر واخو وحسين....

حسين جانت ضحكته واصله الأذانه والفرحه تطاير من عيونه
اول ماكعدو اجه كعد يمي ويصيح انه من طرف العروس مالي شغل بيكم.

ظلينه صافيني ياعروس وشنهي السالفه ضحكو الشيوخ على حسين وجاوبه شيخ حازم ... هج بسرعه بعت ابن عمك وصفيت ويا الغريبه
رد عليه حسين بضحك وهو يضرب على ظهري ... اذا هو ابن عمي هاي بت روحي وابيعكم كلكم علمودها.

بعد الشقئ والضحك اتحمحم الشيخ حازم وكال ... ام عباس خويه انتي تعرفين الزواج سنة الحياة والشين التعرفي احسن من الزين الماتعرفي.
احنه اليوم وعلى سنة الله ورسوله جاين نطلب ايد ام السان نازك لابنه مظهر وانشالله ماتردونه

كال شيخ كامل .....انشالله مايردون واحنه اهل
حجئ حسين ... والله شيخ جيتكم على عيني وراسي بس تعرفون كلشي غسمه ونصيب انشور البنيه وانردلكم خبر انشالله.

..... حسين جان عايش الدور كلش وكعد يتأمر عليهم انه اول مافتحو الموضوع انهزمت للحجره وبس جنت اسمع وكلبي يرفرف من الفرح

ماتوقعت بهل سهوله اصير والشيوخ هم يجون ايطلبون ايدي
بعد ماحجئ حسين رد عليه شيخ كامل.... اكول بوي انت ويانه علينه انطي مجال خل اهل البت يحجون

ضحكت امي وكالت .... مامش شي اكول حسين كفه وفه ومثل ماكال كلش غسمه ونصيب انشور البنيه ونردلكم خبر

كالت ام مظهر ... انشالله مايصير غير كل خير عيني والله يشهد اني البنيه من اول ماشفته حبيته وشتردون احنه حاضرين

رد عليه عباس وبصوته فخر ... انشالله ماتقصرون

..... بعد كعدو شوي وترخصو كام وياهم حسين يطمن بيهم ويكول انشالله باجر انردلكم خبر شرفتونه.

وصلهم للباب وراد يسد الباب وراهم شيخ حازم كال ... شنهي ولك ماتجي ويانه خافن صدكت روحك من اهل العروس امشي ولك

جاوبه حسين ... لا ماجي روحو هساع بعدين امرن عليكم

..... راحو وصاح عليه طلعت لكيت اخوان ريحان صافنين على حسين وعلى تصرفاته وبس رائد جان وجهه مدخن من الغهر امبين مفضوح.

كعد حسين بصف عباس واشرلي اكعد كعدت يمهم شو هذا طكاها ضحكه راح وكع من الضحك حتى ادموعه نزلت سكر راح عباس يضرب بي مامش