غربال الروح

النهايه

الروايه "غربال الروح "
بقلم /رحيل القوافي .....
Ghadeer-1997
الى هنا وصلنا لنهاية الحكايه
ولكن يوجد شخص لم تغربله لأيام لنا
ولاكن القدر لم يتركه وفعله فعلته معه ....
.....

قالت الرساله الخير :"لعلي ابقئ جميله في قلبك اذا رحلت
ولعلك تذكرني فجأة فتبتسم "
....

ريحان •••

ايام تمشي وسنين تروح والكلب هو هو ماتغير بس كل يوم ايزيد دكاته اكثر
وثابت ايزد بكلبي وكل يوم احن اله اكثر من الكبله حبه ماتغير ولا قل بالعكس ايزيد اكثر.

سنين تروح وسنين تجي وانه على حطت ايدي ماتغير اي شي بيه شعور الغيره يذبح صاحبه

شكثر حاولت اتقبل ثابت بس ماكدرت كل ماتخيله بتالي اليل ينجمع وياها بحجره وحده اتهيج عندي المواجيع جنت اكضي اكثر وكتي يم اكبور البنات اهيس بس هنه يفهمني ويعرفن جرح كلبي.

الوكت توكف بيه بهذاك اليوم الي اعترف بي الشيخ كامل وحازم بتهديدهم الثابت بيوم الرادو ايحركون بستان ثابت.

ثابت بليلتها هد عليهم بس طلعو همه الوت منه وجانو كاعدين منتظري ومن اجه وعاينهم صار بينهم حجي وثابت هددهم بس ولد الشيخ اسحاق مايتهددون وانما ايهددون

الشيخ حازم بوكتها هدد ثابت بيه وكال الثابت .... اكعد واستچن اذا سويت اي شي راح اسوي بريحان مثل ماسويت بالقيس وازيد بعد خاف ذيج خليت بس اثنين ايهجمون عليها لاع هاي اخلي الديره كلها تعلم عليها.

ثابت رد عليه ... ماتكدر اسويلها شي ولا تنس هي عدها اهل ومايخلوك اجيسها.

رد عليه الشيخ حازم وكال ... بين مايجون اهلها الشغله خلصانه وهساع وچدام عينك ادز عليها بحجت اختها متخربطه وتجي تركض وجدام عيونك اخليهم اينهشون لحمها وهساع شنهي ياثابت غرارك تحرك بستانه وانه احرك كلبك و اخذ شرفها ياا ادير ظهرك وتمشي وباجر اسمع بخبر خطوبتك وهج راح تحتركون اثينكم بنار العشگ.

رد عليه ثابت ... انت انذل واحد عاينت بحياتي شنهي التريده مني ومنها ليش تحب تعاين الوادم تتعذب

رد عليه ... انه حجيت العندي والغرار الك.

جاوبه ثابت ... انه راح اروحن بس موش خفت منك لاع بس انه ادري بيك نذل وحقير وشرف الوادم عندك لعبه راح اروحن بس خاطر عيونها وخاطر ماتتوجع بسببي

..... هذا جان السبب بزواج ثابت بس انه ماكدرات اتغبل اعتبرته جبن ثابت خاف.

انه الحبيته مايخاف من احد واليدوس على اكبر واحد و ايرد الصاع صاعين انه ماعينت ثابت فديوم خرنكعي دوم اعاينه زلمه وكل هاي الوادم تهابه وتخاف منه وتسمع حجايته.

ثابت ظل عايش بحلامي ومن ايفيض بيه الحنين واشتاك العيونه اروحن واتعنه اله صح اوكف بعيد بس المهم اعاينه جانن اكبور البنات جدام بستانه وانه اروحن اكعد يمهن داير مدايرهن زرعته كله ورود.