غربال الروح

البارت الرابع والخمسين

الروايه "غربال الروح "
بقلم /رحيل القوافي .....
Ghadeer-1997

يجي يوم انرد لهلنه....
يجي يوم نلم حزن الايام وثياب الصبر وانرد الهلنه.
يجي يوم الدرب يمشي... بكيفه ياخذنه لوطنه
يجي ذاك اليوم، لچن انه خايف كبل ذاك اليوم تاكلني العكارب ..؟؟
يجي يوم الفرح ياخذ كل مساحي الحلم يحفر ساجيه ...ويسگي العمر
ونگله ياعمي فرح؛ راح ربيع
والله طفطره حزن
كل يوم اخذها لمحطه..
جم محطه جذب مرت
وشكثر سواق جذابين
ياعمي فرح؟
والناس تتشلبه على الفراگين (الشبابيج)
كل بشر يوصل محطه ...
ويشبگ اهله
وانه اشوبح
من شبابيج الفراگين الحزينه
انطر احد ... مايجيني
انطر الدمعتها جانت
نجمه تتلالى بجبيني
انطر انطر ...
وارجع ردود المچاني
السچچ خلصت ... ماوصلت
ومشيت وحدي بلايا سچه

................

ورا شيماء... اي شيله ليش موش هو الچتل بتك بيده...؟؟

اندار عليها شيخ حازم وكال ... شمالج انتي شجاي تحجي وبت منو الكتلها

اندارت شيماء وهي تمشي كالت ... انشده هو خله ايكلك.

..... من بعد هذا اليوم شيخ كامل ادهورت صحته وابد ماصحه حسين مافارك الشط ايظل كاعد چدامه ومافاركه ولا لحظه.

الوادم اتكول عليه تسودن بس حجيهم غلط حسين عاشك وجان يحلم باليوم الي راح يجتمع بي ويا حبيت كلبه.

وبدال ماياخذها لحظنه اخذها روجات الشط
بالصدفه عرفت بزونه اصير مرت ابوها موش امها الحقيقه.

بصراحه انصدمت عبن جنت اعاين شكثر اتحبها وتخاف عليها وبيوم الغركت طلعت صدرها وضلت تنعئ وتتوسل بالشط ايطلعها.

من سئلت بزونه كالت ... انه ازوجت ابوها وهي عمرها ايام اخذتها الحضني ورضعتها من صدري ضحئ اغله عندي حتى من بزري.

... جانت هاي چلماتها هي وحسين جان اثنينهم ايكعدون بنفس المچان بس كل واحد بجهه

حسين ادهورت احواله خصوصن من سمع شيخ كامل معتدي على ضحئ وهو بنفسه كاتلها وشامرها بالشط.

جان ايكول ... انه السبب انه السبب كله مني.

.... اختفئ ويا ضحئ كلشي الروح والحب ولامان وصاحبي المات وظلت بس جثته تلهج باسم شريچ الروح.

وصاحبتي واختي الربيت وياها كل هذا راح مرت علينه ايام اخافن حتى اغمض عيوني اخاف حسين يسوي بروحه شي.

الوحيدين الي من جنت اعاينهم افرح همه عباس وجواهر.
اضحك من عاين غيرت عباس عليه وشلون يتخبل اذا طلعت
وعاينها احد.

واذا تطلع لازم العبايه تلبسها على راسها وممنوع تضحك وممنوع تسولف ويا احد.

علاغتهم حلو بس شك  عباس بيها بعد ماخلص
وكل مايعاينها واكف يم احد يتعارك وياها ولازم
ايخلي اثار بيها يله ايعوفها وهي تعلمت عليه