غربال الروح

البارت الواحد والاربعين

الروايه "غربال الروح "
بقلم / رحيل القوافي ......
Ghadeer-1997
رايح إني لوين ما عند الله كاع
رايح إني ذول بيهم تعبي ضاع...

.........

...مشئ حسين ومظهر انفجر بيه كال ... وشنهي انه حايط انصيص تواعدي چدام عيوني بدون كل خجل

ردت عليه ... هساع الي ايسمعك ايكول امواعد حبيب خايب شمالك هذا حسين.

دفعني على الجربايه وكال .... ماكو طلعه
رديت عليه ... موش بكيفك من البدايه اتفقت وياك اظل هنا وانت ماتدخل بيه

رد عليه .. يعني بعدج على رأيج تردين اطلعين
رديت عليه ...اي بعدني وعلاغتي بحسين مالك دخل بيها خوش
كال ...خوش بس بلاول اخذ الريده بعدها روحي بس اذا غيرتي رأيج ماسويلج شي

....هزيت راسي بالرفض اكرها من يعاقبني بهاي الطريچ يأذيني حيل اخذني للفراش وظل يتلذذ بشهوة النصر انه جنت بين ايدي

ذايبه صح اكره من يسوي وياي هج بس افقد بين ايدي وكل ماحاول اكومن ترجع ايدي وتاخذلها جوله على جسمي.

اذن المغرب يله باعد عني بس شنهي ماكد اشيل روحي بالكوه مشيت للحمام انه احبن كربه بس من اذكر اخذني علمود غايه اضجون منه.

نزلت جوه صار بوجهي حسين عود هو زعلان دار وجهه مني
مشي وكعدت كباله واعاين عليه وهو ابد ماعبرني.

كتله ... شنهي زعلان مني
مارد عليه ماحسيت غير واحد عصر جتفي حيل من ورا درت وجهي عاينته مظهر مخنزر اندار وكعد يمي ماهتميتله ظلت عيني على حسين رحت عصرتله برتغال واجيت عبن ايحبه

قدمت اله وانه اعاين عليه بكل براء ضحك وكال ... جيبي كلبي رجيج مايكدر يزعل

ضحكت عليه وكتله .... هو انت عاينت البرتغال فقدت بعد شلك بهاي السالفه

.... مظهر عيونه بكصته صارت حتى حسين انتبه عليه وسواها بضحك
وكال ... كومي سوي عصير لرجلج خافن اغصن من ورا.

كمت سويتله واجيت انطيت اله من اخذه مني عصر اصابعي حيل بلكوه فلتت ايدي كال حسين ... مرخصتك مظهر عندي سالفه ويا نازك اريدها.

.. هز راسه بس شنهي يتحلف بيه انه اعرفن اليله ماتعدي على خير الله اليستر اليوم شنهي يصير والله العالم مظهر بيا مذبحه يذبحني.

ومشيت ويا حسين كعدنه بالبستان مالت اهلي على الساكيه اتنهد حسين وجن عند شي.

كتله ... شنهي الغصه حسين شمالك
رد ... تعبان نازك ليش هج الله خالقنه تعرفين اتمنئ انه فلاح بسيط وعندي كاع صغيره ازرعها واعيش منها ومزوج من البنيه الختارها كلبي ومرتاح

هاي العيش احله بالف مره من هاي العيشه العايشه انه هساع ابن الشيخ وعدنه كومت حلال وانه مامرتاح نازك اريدن اب حقاني ويخاف الله موش ابوي