السلام وعليكم 🌹🌹
الروايه "غربال الروح "
بقلم / رحيل القوافي .....
Ghadeer-1997
نصيحه لكل بشر رايد يصير انسان ..
طريج العدل عوفه ودور اكتاره
صير اطباع ربك لاتعبر اعذار
ربك على بليس يردهن اعذاره
لاتفزع الواحد مافزعلك بيوم
مكسورت ضهر صارت العباره
خل طبعك كمرفوك النجم تنشاف
معروف التكبر شايعه اخباره
ولاتامن صاحب لو اخوك يصير
البير جكد غميج وطلعن اسراره
..........
سكتت ردت كالت ... بس شنهي علاغتكم مطوره
ضحكت وكتله ... لاع بس هو يكول خلي نبدي من جده وجديد.
وهج خلص اليوم ثاني يوم كعدت عله دكت الباب.
جانو بعدهم نايمين لفيت الشيله وطلعت اول مافتحت الباب صار بوجهي اخو ريحان وياه بنيه واثنين ولد وخالد غمضت عيوني ورديت فتحتهن.
شنهي حلمانه ضحك وكال ... صباح الخير أسفين على الازعاج.
رديت عليه ... صباح النور مامش ازعاج اهلان وسهلان تفضلو حياكم.
... دخلتهم رحت كعدت ريحان وامي وعباس من دشي لكيت زلمه ثاني نايمه شنهي ياهو جاي ...!!!
اتقربت عليه لكيته زكريه دهر هذا شوكت اجه
كام عباس سلم عليهم الاستغراب بوجهه والله انه هم استغربت شعدهم جاين بس لاع ياخذون ريحان وياهم.
ريحان سلمت عليهم وجانت امبين عليه الخوف
ماتريد اترد وياهم جانت امي محضره العجين اخذت
ومشيت اخبز وريحان مشت تحلب الهايش خاطر انسوي كيمر عرب.
جنت واكف اخبز سمعت حس زلمه وراي انداريت عاينته رائد وجهه فره يضحك للهوئ اجه يمي وهو يعاين عله المچان.
كال بصوت كلش حلو بي بحه مثل ابو ... الجو عدكم حلو يريح النفسيه
رديت عليه ... اي حلو بعد شوي يصير احله هساع الوادم بعدها نايمه.
سكتت وهو ظل ياچل بالخبز بس المكسب بي خرب الخبز زمخت بي ظل يضحك جان الفضول عندي كلش عالي كتله ...ليش اجيتو تردون تاخذون ريحان ..؟؟
هز راسه وخله الخبزه بحلكه يأچل ويحجي كال ... لا تخافين ماجينه ناخذها بس اختي شوي تعبانه نفسيته كلت اجيبه هنا بلكت ترتاح شوي.
بس اذا زعجناكم بجيتنه اخذهم واروح ..
هزيت راسي وانه اخلي الحطب بالتنور خاطر يزيد النار كتله ... لاشنهي ازعجونه هلابيكم اذا الكاع ماشلتكم انخليكم على راسنه.
جنت اطلع الخبزه من التنور بيدي وهو يعاين تبرع ايطلع الخبزه هو اشو هذا وكع الخبزه وظل يصيح احتركت وحتركت طكيته ضحكه عليه
وهو صفن بوجهي خلصت خبز رشيت ماي خاطر يطفئ لميت الخبز من الكاع ودشيت جوه لكيتهم متجمعين بالحوش كلهم.
خليت الخبز ومشيت للمطبخ اساعد ريحان اجت اخته يمنه جان اسمه صباح اكبر من ريحان حبت اساعدنه ريحان جانت متقيده وياها بالحجي.
أنت تقرأ
غربال الروح
Romanceتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
