غربال الروح

البارت الرابع عشر

الروايه "غربال الروح "
بقلم /رحيل القوافي ......

Ghadeer-1997
اشوفك بالحلم ودموعي يسيل ...
واعيش اليوم كله بحلم ماضي،،،
واحسب بالدقايق يمتى انام الليل😴
واشوفك بس حلم هم انه راضي 👀

............
احاسيس مخربط مشاعر جياشه تسارع دكات كلبي ولهفة عيوني التجبرني كل شويه اعاين عليه ...

كل هذا وانا بحضن مظهر القشعريه سرت بكل جسمي من لمساته جان حاضن جسمي بين ايدي طلعنه من باب المطبخ شفته

مربوط على الشجره وجهه تعبان كسر خاطري
تمنيت روحي طير وطير اله ....

حاولت انزل رفض وضغط بيده عليه حيل ركضت امي وهي صيح هدوهن يمه هدوهن ارتاح ...

جان شكله هزيل وتعبان وشفايفه يابسه وجهه اصفر التعب بوجهه يصيح امه وابوه...

الشيخ صاح عليهم فكو وهم فكو جان مربوط بالسلسله من حديدومقفل عليه فتحوه وجه علينه...

حاول ياخذني بس مظهر رفض وكال ... عوفها انا اشيلها ماتكدر تمشي وانت ماتكدر اشيلها هم تعبان ..

رد عليه بعصبيه ممزوجه بصرار .... ماكو داعي تعب روحك شيخ انا اشيل حمل خواتي اذا هساع ماشلته شوكت اشيلها...

... ختم كلامه وهو يشيلني حسيته كوه متحمل وضاغط على اعصابه لفيت ايدي حول ركبته اعاين على شكله جان رجولي بكل معنى الكلمه واثار الضرب زايدة جاذبيه اكثر ...

جانت اكو ضربه حول عيونه تلمسته بدي وهو كل شويه يدير وجهه لمكان خزرني ضحكت بوجهه كال ... يعني حتى انتي بهاي الحاله ماتكعدين راحه

جاوبته بوجع .. للموت هم الحكك وراك وراك

وصلني للبيت خلاني بالحوش وراح كال ... اجيب نازك واجي ماطول

راح ومن رجع جان ويا امي وريحان وثابت انا شفته وجريت نفس براحه عطت بي واهيس احبال صوتي تمزقت من ورا العيطه.... وينك انت مادكول اكو حيوانه منتظرتنه صالي شكثر بالحبس وانت مامش ...

جان جوابه كالمعتاد ماتخلي من البتسامه ... شسوي انتي حملتيني امانه والامانه صعبه أمنت عليه واجيت ..

.... نهى الموضوع وهو يعاين على عباس الي اياشره على امي اجه ساعدني كال ... يله امشي ناخذكم للمستوصف هو ساعدني وثابت ساعد ريحان الصارت طماطه من الخجل ...

...........

ريحان ••

طول حبستنه بيت الشيخ وانا الشغل الشاغلني ثابت وين هو خافن الشيخ عرف بي وسواله شي وانا اعرف العداوه البيناتهم وكل
واحد متاني الثاني على زله...!!!

وين وشلون راح تخلص ماعرف و بهاي الجم يوم هاجت عندي المواجع
ويا كل ضربه تجي عليه طلع روحي من مچانها ...