غربال الروح

البارت الثاني والعشرين

الروايه "غربال الروح "
بقلم / رحيل القوافي .......
Ghadeer-1997

""من الصعب جدا ان تحأول.. الشرح
لأحدهم في رسائله أنه ...خذلك كثير ""
...............

....جانت اتأيد على حجيهم ااخ يادنيا خليتيني عاين وسمع باذني بعد وين توديني ؟؟؟

انداريت صوبها وجانت عيوني بعيونها عيوني تعاتبه وهي تعاين بحقد دفين عبالك عدها ثار وتريد تاخذا مني..

كلت بكلبي ماريدها اتعيني ضعيفه كبالها ..

ماكو صداقه بعد! !
ااووف الصديچ..
ناكه شكثر للناس در ثداياها
تاليه للكصاب ودتني دنياي
اناماهمني الكصاب العلك اچلاي
همني الصديچ الكال عيرلي من هاي

..جنت اريد احجيه بوجهه بس كلت حرامات انزل نفسي اله
عاينت بعيني وضحكت بستهزاء وستصغار كالت... هاا شيف نازك هنااا

.. اجاهلته ونطيته ظهري هو آنه ليش هنا لو انتي منهي الجانت تبجي حتى ماطب هنا صاير بالدنيا.

حجيت بنتره ويا ام سالم... شوكت نصب الغدا اريدن امشي
رد عليه بعصبيه .. خدامت الخلفوج آنه واتنترين بيه

.. أتاففت منه اعرف امسويات حزب عليه آنه اموت ولا واحد يشمت بيه حتى لو اعرف بروحي مابيا شي ...

حالي جان وصفنتي مثل صفنة عاجر وغمزة شريچات
هذا حالي وياهن صعب الجرح من يجيك من احباب
عبالك سجينه موش حاده ويذبحون بيك شويه شويه ....

وانت ويا كل جرت سچين تنجر روحك آنه ماهمني حجي ام سالم لو غاده عادي عندي صار ومتعوده عليه بس همني صويحبتي ..!!

التعودت عليه وحجيها وياي كله حمد شجاها وشغيرها عليه ليش آنه موش بيوم جنت اخيته وصاحبته واليوم هي كاعده ويا عدالي ...!!

.... اجت ريحان من شافت شيماء انصدمت ورادت اتهد عليه
وكوه لزمت وهذيج جانت مثل الحيه كل شوي وذابه سمها..

.. الوكت مايمشي واكره الساعه من اعين عليه والگه نفسه ليش الوقت اذا يجمعني بالشماته وليكرهوني وخلوني اكره روحي يبطل يمشي...

وليش لو بلحظات حلو اهيس يركض ركض عبالك داخل بسباق ولازم يربح بي ويخرب عليه ...

.. دخل كامل وعيون على شيماء الجانت تباوع عليه بحقد وغيض
كال .. يله ام لسان زهبي الغدا وتعاي

.. رحت ويا بدون صوت وطول ما آنه امشي هو كل شوي يعاين عليه شكله هم فضولي كال ... ياهو اچل السانج كولي ياعتوي وآنه اجيبه سحل ابوسه من حلگ عبن ريح راسي اليوم ..

... صرت اعرف اطباعه يحجي هيج حتى اداهر بس بقيت ساكت البيه من جروح مابيه اداهر من شافني ساكت ومارديت عليه.

كال ... اذا عله كل چلمه تنغثين ماتعمرين هواي تعلمي شي اسمه النسيان هذا الوحيد الي راح يعيشج مرتاحه اسئل مجرب ولاتسئل حكيم ..