هلاو.....😙😙
الروايه "غربال الروح "
بقلم / رحيل القوافي .......
Ghadeer-1997
اني امنهز غربيل ماغمض العيون
لن ادري بالخوان كلهم يطيحون
،،،،،،،،،،،،،،،،
ثاني يوم جنت وحدي بالبيت اشتغل للمطبخ اروب الروبه سمعت اعياط والناس تركض طلعت مفزوعه اعاين شكو ....!
وكفت على الشارع اسمعهم ايصيحون بستان مجيد احترك ......
نداريت جاي ارجع للبيت شفته اخته كاعده
على الدچه وتعاين على النار شلون
تاكل الخضر واليابس وماترحم احد
نفس هاي النار موجوده بكلبي ماتنطفي لو اجيب ماي الدنيا كلها مايسده كل يوم تاكل شي مني وانا اسكتت بونيني خاف ينسمع ويكولون ضعيفه
رحت يمها اواسيها هي مره خيره وبت اچاويد
مافديوم سمعت عليه شي موزين لو خربت بين اثنين
كعدت يمها .... لاتخافين خاله انشالله ايطفوها وماحد يتأذه بالحديد
ولا بالعزيز
عاينت عليه ورجعت اتعاين على النار الصارت سوده ..... لا يمه انا مامغهوره على خوي حل بي ويستاهل بس هذا كلبي كليلي شحطله ويطيب
رديت عليه من شفت ادموعها تنزل ... ليش خاله هيج تحجين شكو خلاف بينكم ينحل انشالله
جاوبتني وهي تمسح ادموعها بعبايتها .... يا يمه هذا اخوي من امي وابوي بس ضلمنه هواي وهجولنه وصرنه كلمنه بديره من ورا
صار عندي فضول اعرف شنو امسوي لان انا ادري بيه خوش رجال بس الظاهر شي والخافي شي ثاني .... ليش خاله شنهي سوا اناعرف عنه حقاني وخوش رجال وميرضه بالعيبه
ضحكت من بين ادموعه وهاي الضحكت حزن جانت ....عايني يايمه هذا اخوي بس هو موش الجبير اكو اكبر منه هذا جان ماخذا امي وابوي افلاحه املاچه...
وجان كلش حنين خله اهلي يتنازلوله عن كل الملاك وهو دك صدره وكال اني اطي حق اخوتي وماقصر وياهم .
وهو الله فاتحه عليه مرزوق الطابوكه بيده تنكلب ذهب
من ماتو امي وابوي هو تبره من عدنا وكال مالكم شي
يمي ابوي وامي هم اتنازلو الي وانطوني كلشي الي.....
انتم مالكي شي عندي صدك اتخبلنه كلنه محتازين وحال الضيم حالنه كطعنه ويا وهو مافد يوم اجه ودك باب واحد بينه
وهذا اخوي محمد هج منا ومحد يعرف اراضي وين من ورا انطلب ماقبل اسيدد عنه وارح هج لغير ديره ..
وهسه انا مغهوره يايمه على كاع ابوي ورغم كلشي سواه بينه مغهور عليه امجيد وهل دزيت ولدي يفزعوله عبنه يايمه معزته بكلبي جبيره.
لان جان عزيز امي بس خرب علاقتنه من ورا الورث
هس لو عند ولد بي خير لو بنيه جان بيه باب وجواب اشو ثلاثتهم صكط
مابيهم خير الولد حاير يفتر بين الكاوليات و البنات مايعرف .......
أنت تقرأ
غربال الروح
Romanceتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
