غربال الروح

البارت السابع عشر

الروايه "غربال الروح "
بقلم / رحيل القوافي .....
Ghadeer-1997
ونشكو بلعيون اذا التقينا
فافهمه ويعلم ما اردت ،،،،

اقول بمقلتي اني مت شوقا
فيوحي طرفه اني قد علمت ...

..............

..... وصلت كبال البيت بعد ماسئلت طلع من عدهم رجال جبير لفيت وجهي بالشيله ومشي اله وكفت كتله انت حجئ صالح ابو جعفر

رد عليه بجهه بشوش ... اي بوي كولي امر خدمه
كتله ... ابنك جعفر ذبحه الشيخ حازم شيخ هاي الديره الكريبه عليكم وشمره بالشط

.... انا كتله هيج وطرد خفت من درت فعله وخفت يتخربط واحير بي رجعت طايره للمركز طلعو ماخذين عباس للبغداد...

اخ يابغداد عباس شكثر يتمنئ يجي بيج بس سوده عليه اجه محبوس بالقفاص
صعدت نفرات لمحطت الغطار ...

شتريت تذكره وجان بعد ساعه ونطلق
اخذت مچاني وكعدت بي وانا افكر اهل الولد
هس اشسوو ذكرت شيخ حازم من كال هساع صرنه واحد واحد تعدلنه
ضحكت لا ياشيخ انا غلبت وهساع اثنين واحد ...

باي ذنب انذبح هذا الشاب شيخ حازم مثل الهوش للمكنتوش
يستعمل العوائل الفقر وعبالك ادوات مو بشر بس من نجي للحقيقه يستاهلون
همه خلو من نفسهم ادوات تحت امرت الشيخ....

مشئ الغطار والعمر هم يمشي مايظل مثل ماهو 
آنه اعرف اكثر اليشردون عن طريچ هذا الغطار

يابت تشرد لو شباب عدنا بالديره الزلم تشرد اكثر من البنات ويرجع الفضل بهذا الهلهم وحده من هاي الاسباب هي الزواج يا يزوجو  الرملت اخو
ياا لبت عمه بعد ما ابو ينهي عليه اله وهو مايريده يهج من القريه ....

.... جنت كاعد وحيتي وصفنه اجيبني وصفنه توديني اجت مره وكعدت من كعدت وهي بس ذب حسره اهيس روحه تطلع وياه

صار فضول عندي هي جانت وجهه غايض حييل
وحسبه اجيبه وحسبه توديه وكل شوي تصفك بيده وتكول وياوسفه زمان بس للغمان ينصف ...

عدلت كعتي ولخفت عبايتي زين حمحمت شويه وسئلت ... شصاير وياج حجي وخلاج تعتبين على الزمن الغبر
رد عليه والغصه بزردومه ... اااخ يمه شحجي وشكول زمن ماينصف
جاوبته ... احجي خاله طريچنه طويل ماعدنه شي

جرت حسره وكالت .... شوفي يمه انا الي بهاي الدنيا ثلث بنات وحده جبيره مزوجه ابن عمه والثاني هم اخذوها عمامه اجباري عبن رجلي مات ويكولون احنه اوله من الغريب بس الصغير دكت رچل بالكاع ماقبلت تزوج واحد من ولد عمه طاح بيه عمه الجبير وساك بيه سوك ماخله شي بيه صاحي....

كل هذا وآنه ماكدر ادافع عليه عبن راح يكولون مساعدته وايده رفضه بعد هذا الضرب ثاني يوم هجت ومحد عرف وين هي مخلو مچان مادور عليه