غربال الروح

البارت الثاني والخمسين

الروايه "غربال الروح "
بقلم / رحيل القوافي ....
Ghadeer-1997
عريان يكول ...
لا عمر راح يعود ولاترجع ايام
حسبت وكت ونصير صوره بطن جام
خشنه.. كلبوهم بس المصيبه عزاز

.......

لحد هساع مانسئ فرحتها من اجه خطبها جانت صدمة عمرها اليل كله مانامت وظلت تفكربي.

انساها رائد وعيش حياتك نازك مچانها هناك يم مظهر وماتكدر بليا هو اول عشك يدخل كلبها وعوضها عن كلشي جان ناقصها عيش ياخوي وانساها.

رد عليه وهو ينفخ هوئ حار مثل كلبه الملچوم ... انه اخاف ريحان ابوي هواي اثر عليه صرت اخاف اجازف وادخل بعلاقه وينعاد تاريخ ابوي

جنت ادور على ابنيه اتكون الوحيده عد اهلها بس مالكيت التترس عيني وتملي حياتي لحد ماجينه الكم وشفت نازك.

جانت مثل الفرشه بين الورد اطير شخصيته
القويه وروحها الحلو خلوها تحله بعيني

الخوف الشفته بعيونها من اجيتي ويانه هذا الجنت ادور عليه وحده مثلها قويه وصاحبت شخصيه وكلبها طيب والزاد تعلقي بيها انو ماعدها اخت حتى احبها بعدين بس انتي وتصيرين اختي.

يعني مابيها مجال اكرر التاريخ اكيد هس ادكولين ليش افكر هيج اني اجاوبج بدون ماسئلين ريحان امي توجعت هواي الوجعها اكثر هو غياب اختها

شمس جانت ضاويه الدنيا عليها وعلى اهلها هي مثلج تحب تلعب وسوي مشاكل وتتعارك عينن انتي سبحان الله ياخذ واحد وينطي واحد.

وهذا السبب امي بالبدايه رفضتج لان اشبيها حيل خافت تتعلق بيج وبعدين اتعوفيها.

واني هم رجال وابوي بالنسبه الي مثلي العله ابكلشي احب اقلد وهذا السبب الي خلاني ادور على مره ماتكون عدها اخت حتى لا اقلد ابوي واحب اختها.

..... هذا اكبر غلط يرتكب الهل بحق اولادهم رائد اتخذ من ابو مثله العله ويحب ايقلد بكلشي بس مايريد ايعيد الغلط مره ثانيه.

رديت عليه ... بس انت واعي وتفتهم مستحيل اسوي مثله انسئ السوا ابوك وعيش حياتك ترئ انت صرت شايب المفروض هساع بناتك بالمتوسطه.

ضحك وكال ... هااا ولج تعيريني بالشيب ااخ تعيرني بالشيب وهو وقار.

...رائد جان جبير يكمن اكبر من حسين خلصت كعدتنه واحنه نضحك دخلت جوه وعيون خالد ماوكعت مني هو حلو وماناقصه شي ضابط واله مچانت بين الوادم بس شسوي الكلب مايرض ايبدله

لليل راحو ساعدت خالتي بالشغل عبن بناتها كلشي مامش لايحشن ولا ينشن
كملنه كل الشغل وكالت ... نعسانه راح تنامين.

رديت عليها ... لاع مانعسانه
كالت ... لعد تمام اني راح. اسبح واجي يمج بالغرفه.

... راحت وانه ظليت سويت جاي اموت عليه امي اتكلي جنج شايب بس شربين جاي صبيت ودخل خالد كال ... شلونج