غربال الروح

البارت السادس والاربعين

الروايه " غربال الروح "
بقلم /رحيل القوافي .....
Ghadeer-1997
دك كلبي دكت موت
بيه النفس ضاك
صدكيني شفت الموت
من هذا الفراك
وتالها ياروحي...
......

جان مكتوب بيه .....سامحيني حبيتي بس والله موبيدي حبيته
والحب اعمئ وعمئ عيوني احبه اكثر من روحي سامحني امانه

راح تبقين اغله شخص عندي اني راح اروح لمكان بعيد حتى ماشوفيني اريد اعيش الحب صح هل المره العب بالنار بس اريد اجرب ثقي بالله اني ماخنتج

ابد لاتفكرين بيه هيج اني جنت حتى ماخلي عيني بعينه بس شسوي حبيته لا هو ولا اني خنتج جان حب طاهر وبس بالعيون بس هو اتخذ القرار وطلكج

ومن بعدها اني اعترفت بحبه بس والله من جنتي على ذمته ماصار اي شي بينه  احبج سامحيني.

... جانت هاي كلماتها مثل السم على روحي اني جنت احب حسنين حب جنون هو ابن اجوارينه وحبيته من اني وصغيره.

حسنين جان كلش غالي على كلبي ويجوز لهذا السبب ماكدرت اكره وكل يوم اتذكره واتذكرها والوم بروحي شلون مانتبهت شلون

جنت اشوفها كبال عيني شلون كل يوم تذبل وتضعف الحب دمرها ولعب بحالها لعب اختفت وختفه حسنين واطلعت الاخبار اهلي اتبروه منها

وامي ظلت عايش بحسرتها عليها جنت اروح واكعد يمها
حتى اخفف منه شوي ومن شوكها البتها الخذها الحب وراحت

جانت نسمة هوئ حلوه وصوتها وضحكته مالي الدنيا جانت الصغيره والمدلل وعزيزت الكل اخوتي اتاذو هواي بسبب الحجي الطلع.

حسنين اهله اتبرو منه ولان هو ابن عشائر وعتبروها عار كالو دمه مباح واي واحد يلكا يكتله بكاعه دمه مباح.

ورا تقريب اكثر من سنه اني جنت ابيت اهلي اندك الباب راح رائد يفتحه بعد سمعت صوته وهو يصيح ماما ماما هذا بابا اجه...!!

ردت اكوم بس وكعت جنت خايفه من المنظر الراح اشوفه جنت شايله هم وخوف خاف اطلع واشوفه لازم اديها لو اهلي ايسامحوها وتعيش ويا كدامي
عيني

ماجذب عليج جنت بهاي الحظه حيل انانيه واتمنيت اهلي مايسامحوها على السوته هي دمرت بيتي واخذت زوجي مني وحرمت جهالي من ابوهم موسئ كبر وهو مايعرف ابو منو...؟؟؟

طلعت وطلعت امي وياي جانت تحاول اضم فرحته برجعت بتها مني بس لمعت عيونها جانت فاضحتها.

من وصلت وانفتح الباب صار كبالي حسنين
بس مو ذاك حسنين العرفه النيق العند اهم شي لبسن واناقته

لا جان واحد ثاني تعبان وذبلان ومنتهي وعيونه حمر الحزن يصيح سابع جار بعدت عيني وانه ادور عليه من رفعت شفت سياره وعليه تابوت....!!!

امي بدون ماتسئل هاي منو وكعت تخربطت واني بقيت جامد بمكاني وماعرفت شسوي كل كرهي وحقدي عليه بهاي الحظه نسيته