غربال الروح

البارت التاسع والثلاثين

السلام وعليكم 🌹🌹
الروايه "غربال الروح "
بقلم /رحيل القوافي .....
Ghadeer-1997
يجي البطران الك ....ويكول سهله تهون
يمته تهون شوكت اتهون....
اذا شفت لاثل يأمر على الزيتون
شوكت تهون....
اذاشفت الصكر بيه الكطه يكودون
يمته تهون
اذا شفت الشمر... صاعد عله الميمون
شوكت تهون يمت تهون
حجي المنطيهم الله ايروك بالدلال
شلون وعقل عندي الهسه مامجنون
يمته تهون
بزر كعده الشرف ويلوع جن ممتون
.........

معغوله هج انه مالي معزه بكلبها ليش چا موش سامحتج وكتلج عوفي الماضي بالماضي وخلينه بالحاضر.

بس الظاهر صحبتي الها زايده دنكت راسي وانه اسمع هلاهل
شوي وكالو اجوي اهل العريس ....

دخلو ومن ضمنهم نرجس فرحت بجيتها جانت جاي هي وخواتها وامها الي ماده البوز ومطنكره اتكول عجوز وماچلين عشاها.

اجتي نرجس سلمت عليه بفرح كالت... الف مبروك والله فرحتلج من كل كلبي من بلغنا مظهر.

رديت عليه بتسامه .... مشكوره خيه يوم الج انشالله.

خواتها بس وحده اجتي باركتلي والباقيات اكتفن من بعيد ايباركون وامهن حتى مبروك ماكالت غلست منها اجه مظهر ومن عاين عليه ضيك عيونه بمكر.

ابتسمت ودنكت راسي اجه يمي واول ماكعد كال ... دخيل ربج شيصبرني لباجر.

جابو الحنه وانطوها اله خاطر يحنيني اخذ ايدي بين ايديه وحط الحنه بعدها الدور صار الي وحنيت اصبعه الصغير. 

ظل شويه وكام راح الچكليت جان يوكع على راسنه مثل الطابوك
لليل خلصت الحفل على خير البنات كفن البيت وماقبلن اشتغل وياهن
عشتو عروس وباجر زفتي.

....... كعدت ثاني يوم بطني توجعني من الخوف بعد ما صباح سولفتلي شراح يصير وياي اليوم اصابيعي كامت اطكط من الخوف

كل شوي واكولن راح ابطل ماريد ازوج بس اين المفر
وراي وراي....

اجت ام الصالون وستلمتني للثنتين ياله هدتني الزفه اجت بالربعه انه شنو قطرت هوئ مايطب الصدر من الخوف.

وانه اسمع صوت الهوسات والعرضات عبن عرس اكبر حفيد للشيخ اسحاق وعازمين امة محمد كلها.

من بين الموجودين جانت بزونه تهلهل وتصفك اجتي يمي هاي اول مره ماضوجن منها ضحكت بتسامتها المعهود

والماتفارك وجها كالت ... مبروك ام السان انه عبالي تحمضين على كلب بدريه
چلمت الحگ تنحجي انتي خوش بت رغم مصايبج وياي جثير بس ابد ماكرهنج
دوم احبن اغيض بيج....

.... سكتت وجن حسبه بالها خلت عينها بعيني وكالت .... ديري بالج عله روحج حتى لو حبيتي مظهر بس لاتفضلي على نفسج دوم خلي روحج عزيز ودوسي عليه ولاع ترضخين الهم عبن اليوكع عدهم ينداس بالرجلين.