غربال الروح

البارت الخامس عشر

الروايه "غربال الروح "
بقلم /رحيل القوافي ......
Ghadeer-1997
_ ماذا فعلت بعد خيبتك الأولى ؟
_ لاشي دخلت في خيبتي الثانيه
          بكامل إرأدتي !!
********
ليش اعاتب واني ادري العشره منجل
من اهزها ايطيح # صاحب 
******
ردت انخل الخوان واعرف عضيدي
طاحو كبل لاشيل غربيلي بيدي
..........

جان شاب صغير وحليو يحجي ويا امه
ويكلها يمه شايفه الموت وراي وراي ...

جنت اعاين عليه وشنو ذنب يموت وينحرم من شبابه وليش الموت صار عاده عدنه وذا غاب فتره نفتقده ونكوم اندور عليه ليش ..

جان شاب وهو باخر لحظاته يوصي بمه ويشيم بخو خاطر مايعوفه ليش الموت مكتوب على ابو كلب الطيب والحنين ليش ماياخذ غدار والاناني
ولي يعذب بالناس...

اه اه منك يموت مانصفتنه.....

... طفئ المويايل عباس مسحت ادموعها امي وعاينت على كل واحد بينه هي تغيرت مو ذيج الاوليه صارت ماتكعد يمنه ودائما بيت الشيخ

واذا اجت تدخل حجرته ماتطلعه منه بعد هذا حاله من يوم الحبسنه شيخ حازم جانت جسم بدون روح هيج احسنها ...

فتحت الجبس من رجلي طلب من عبيس نرد مشي مليت من الكعده بطريچي مريت على ضحئ وكلت لعبيس يروح اريد اعيد نشاطي من جده وجديد ....

طكيت الباب وفتت صارت جدامي بزونه
ضحكت وكالت... هاا ولج صحيتي
دريت عليه بتسامه مثله ... الحمدالله صحيت واحسن من كبل چا شعبالج انا نازك ومحد يگدلي وهساع وين ضحئ اريدنها ...

صغرت عيونه البزون وهي تعاين عليه .... چا اذا انتي صاحيه ومابيج شي معناها الحجي السمعته صحيح
رديت عليه ... شنهي الحجي السمعتي

.... ماجاوبت عافتني ودشت جوه شويه ولن ضحئ طالعه من المطبخ كتله يله مشي نكعد على ساچيه عبني حيل ضايجه ...

راحت ضحئ حجت ويا امها و ردت عليه طلعنه وانا ابالي الحجي الكالت عليه بزونه صار كبالي جان لابس دشداشه والسبحه تفتر على ايده...

طول ماحنه نمشي اعاين عليه عيوني ماترضئ تنزل عنه
تعاند وتحب اتعاينه التفت عليه وصارت عيني بعينه ...

حرك شفايفه وكال. حمدالله على السلامه
شلون فتهمت وقريته مادري هيج صرت نادره واقره الشفايفه شدكول

كملنه طريچنه وصلنا للساچيه .....

اول ماكعدنه سئلته .... ضحئ شنهي الحجي الطلع علينه انا وريحان
عاينت عليه وبعيونه اسف وشفقه ... ماكو شي لايضل بالج
نظراته دكول غير السانه.... شوفي تحجين لو اطكنج
جاوبتني وهي تبعد عيونه مني ... خايبه هي الوادم هاي شعندها غير الحجي تحجي وتحجي بعدين تسكت ...

رديت عليه ...شلون يعني ماراح تحجي
سكتت ماجوبتني بهاي الاثناء اجت جواهر وكعدت يمنئ اندارت صوبها
وكتلها ... بخت سيد محمد ياجواهر احجي شنهي الحجي الطلع علينه
لزمت ايدي حتى اطمني وضحئ تاشر براسه لع