👀unicode👀
ဟော်တယ်တစ်ခု။ အတိအကျဆိုရလျှင် MoonLight နာမည်နဲ့ဟော်တယ်အတွင်း လှပသည့်မြင်ကွင်း အဆင့်အတန်းမြင့်သည့် အပြင်အဆင်များဖြင့် ခမ်းနားနေ၏။ ထိုဟော်တယ်အတွင်းသို့ လက်ချိတ်တွဲ ပြုံးရယ်ရင်း ဝင်လာသူနှစ်ဦး။ သူတို့နှစ်ဦးကိုကြည့်ရသည်မှာ နှစ်ယောက်တစ်ကမ္ဘာသာ ဖြစ်နေသလိုပင်။
"ဦး ညနေကျရင်တော့ ကလပ်လိုက်ပို့ရမယ်နော်"
"အွန်းပါ" လျှမ်းဒီပါ၏ လက်မောင်းကိုအတင်းဆွဲထားပြီး မိမိခေါင်းထက်ကျော်နေသည့် အရပ်ရှိသော သူ့အား ခေါင်းလေးမော့က ပြောနေသည့် လွန်း၏ပုံစံမှာ တကယ့်ကလေးတစ်ယောက်နှယ်။ လျှမ်းလည်း အသည်းယားနေမိတာအမှန်ပင်။
လွန်းစေရာ မိမိချစ်သူအား ကြည့်နေရင်းမှအမှတ်မထင် အကြည့်တို့က တစ်နေရာသို့ရောက်သွားခဲ့သည်။
"ဟင်!! အဲ့တာ ကိုမြူဘုန်းမာန်မဟုတ်လား" ခပ်လှမ်းလှမ်းတွင် လူစုတစ်စုနဲ့အတူ ထိုင်နေသည့် မြူ့ကိုတွေ့တော့ လွန်း အံ့အားသင့်လျက်ကြည့်မိ၏။ ယခုလို တိုက်တိုက်ဆိုင်ဆိုင်တွေ့ရတော့ လွန်းအံ့အားသင့်မိသည်လေ။
"အင်း ဟုတ်တယ်နော် နေပါဦး သူနဲ့အတူထိုင်နေတာ ဆက်ရှိန်ဆိုတဲ့လူမဟုတ်လား" လွန်းပြောသည့်နေရာကိုကြည့်ရင်း ရင်းနှီးစွာဆိုလာသော လျှမ်းစကားကြောင့် လွန်းမှာစဥ်းစားနေ၏။ သူကိုယ်တိုင်က ထိုလူကို မသိတာအမှန်။
"ဆက်ရှိန်ဆိုတာက ဘယ်သူလဲ"
"သူက တရားမဝင်ကိစ္စတွေမှာ နာမည်ကြီးနေတဲ့သူလေ..... မြူဘုန်းမာန်တော့ ဘာတွေလုပ်နေလဲမသိဘူး" လျှမ်းဒီပါ၏စကားအဆုံး လွန်းမျက်နှာပျက်သွား၏။ မိမိနဲ့ခင်တဲ့သူဆိုတော့ ဒုက္ခရောက်မှာလည်း စိုးရိမ်မိသည်။
"ကျွန်တော် သူ့ကိုသွားခေါ်လိုက်မယ်" သူရဲကောင်းဝင်လုပ်ချင်ပုံဖြင့် လျှမ်းလက်မောင်းကိုဆွဲနေရာမှ ဖြုတ်လိုက်ကာ ထိုသို့သွားရန်ခြေလှမ်းတို့ပြင်နေသည်။ လျှမ်းမှာ သူ့ချစ်သူလက်မောင်းကိုလှမ်းဆွဲရင်း တားရပြန်သည်။
"နေပါ ကလေးရယ် အဲ့လူတွေနဲ့ ပြဿနာမဖြစ်ချင်ပါနဲ့ ရှုပ်ကုန်လိမ့်မယ် နောက်မှ မြူ့ကိုတွေ့ရင်ပြောလိုက်...အခုတော့ သွားရအောင်" ပြောပြီးသည်နှင့် လွန်းလက်မောင်းအား ဆွဲကာ ခေါ်လာခဲ့သည်။ လွန်းမှာတော့ သူခေါ်ရာ တရွတ်တိုက်ပါလာ၏။ မြူတို့ရှိရာနေရာကတော့ ကိစ္စတစ်စုံတစ်ရာကို ဆွေးနွေးနေဟန် ငြိမ်သက်နေလေသည်။
VOCÊ ESTÁ LENDO
Love Virus( Completed)
RomanceNo one can stop to love someone By Satan Starting date- 28.7.2020 Ending date- 10.11.2020
