👀uni👀
"ကိုမော်ကွန်းငယ် ဒုဥက္ကဌက ကိုမော်ကွန်းငယ်ကို ရုံးခန်းဆီခနလာခဲ့ပါတဲ့"
မော်ကွန်း အလုပ်တွေရှုပ်နေတုန်း ဝန်ထမ်းတစ်ယောက်က အခေါ်ပါးခြင်းပင်။ မော်ကွန်းမှာ ဒုဥက္ကဌရာထူးကိုအလွဲသုံးစားလုပ်နေသည့်မင်းထည်ဝါအားတော်တော့်ကို ကြည့်မရဖြစ်နေပြီ။ သူနဲ့ချစ်သူဖြစ်ပြီးနောက်ပိုင်း သူ့ရုံးခန်းဆီအကြောင်းမရှိ တစ်နေ့ကို သုံးလေးငါးကြိမ်လောက်ခေါ်တော်မူနေတာ သိပ်တော့မဟုတ်တော့ပါ။
ယခုလည်း မသွားချင်ဘဲသွားရဦးမည်။ ဘာမှအရေးမကြီးပါဘဲ ခေါ်တာဆိုလို့ကတော့ သူနဲ့ကိုယ်တွေ့ပြီဘဲ။
"ဘာကိစ္စရှိပြန်ပြီလေ သူဌေး"
စုံလည်ခုံပေါ်မှာ အခန့်သားထိုင်နေသော ထည်ဝါအား မော်ကွန်းမျက်မှောင်ကြုံ့မေးလာသည်။ ကျင့်ဝတ်အရ အလုပ်နေရာမို့ သူနဲ့ကိုယ်ကြားဆက်ဆံရေးကတော့မပျက်။
"ကိုယ့်ရဲ့ချစ်သူကိုကိစ္စရှိမှခေါ်ရမှာလား ငယ်"
ထည်ဝါကပြောရင်း ထိုင်နေရမှထကာ သူ့နားလျှောက်လာသည်။ မော်ကွန်းကတော့ အစတည်းကစိတ်ကိုကြိုတင်ပြင်ဆင်ထားသလို ပိုပြီးဒေါသထွက်လာသည်။
"ဒီမှာ ဒါ အလုပ်နော် ခင်ဗျားနဲ့ကျွန်တော့်ကြား အလုပ်မှာဘယ်လိုအနေအထိုင်ဆင်ခြင်ရမလဲဆိုတာ ပြောထား...."
ပြောရမယ့်စကားတွေပျောက်သွားသည်။ အကြောင်းမှာ မော်ကွန်း၏ခန္ဓာကိုယ်လေးအား တပတ်လှည့်လိုက်ပြီး နောက်ကျောကနေဖတ်ကာ ရင်ခွင်ထဲသို့ထည့်လိုက်ခြင်းကြောင့်ပင်။ လှုပ်ရှားပုံကမြန်သည်ကြောင့် မော်ကွန်းမျက်လုံးတို့က ဝိုင်းစက်ကာ အံ့အားသင့်လျက်။
"ကိုယ်ကလွမ်းလို့ပါ"
ထည်ဝါကပြောရင်း အနောက်နေ မော်ကွန်း၏ လည်ပင်းကို ခပ်ဖွဖွနမ်းရှုတ်နေသည်။ အထိအတွေ့ကြောင့် မော်ကွန်းမှာကြယ်သီးပင်ထရ၏။
"လွှတ်ပါဗျာ ရုံးခန်းထဲမှာ ဘယ်လိုဖြစ်နေတာလဲ သူများတွေမြင်ကုန်ရင်မကောင်းဘူး"
ခါးကိုဖတ်ထားသော ထည်ဝါ၏လက်အား အတင်းဖယ်ရှားပြီး ပြောနေသည့် မော်ကွန်း။ သို့ပေသိ ထည်ဝါကလွတ်မပေး။ လည်ပင်းသားတို့က ခပ်ဖွဖွနမ်းနေရာမှ စုပ်ယူမိသည်အထိ ပိုမိုကျူးကျော်လာသည်။
ŞİMDİ OKUDUĞUN
Love Virus( Completed)
RomantizmNo one can stop to love someone By Satan Starting date- 28.7.2020 Ending date- 10.11.2020
