မင်္ဂလာဆောင်ခန်းမအတွင်း ဧည့်ပရိသက်များစွာဖြင့် စည်းကားနေ၏။ အခမ်းအနားအပြင်အဆင်ကလည်း လူကုံထံအသိုင်းဝိုင်းကဆိုတာသိသာသည်။ စင်မြင့်၏ နံရံထက်တွင် သတို့သား၊ သတို့သမီးနာမည်က လှလှပပထွင်းထုထားသည်။ ဒေါက်တာကိုမင်းရန်နိုင်နဲ့ မယမုံသံသာတို့၏ မင်္ဂလာဧည့်ခံပွဲ ဆိုသည့် စကားလုံးအတိုင်း ထိုမင်္ဂလာပွဲဟာ မင်းရန်နိုင်တို့၏မင်္ဂလာပွဲ။ လာရောက်ကြသည့် နှစ်ဖက်မိဘအသိုင်းဝိုင်းမှာလည်းဆွေကြီးမျိုးကြီးတွေထဲက ဖြစ်၏။
ခန်းမထဲဝင်လာသည့် ဧည့်သည်များထဲမှ သစ်လွင်လှသည့်အဖြူရောင်ရှပ်အင်္ကျီနဲ့ပုဆိုးအကွက်စိပ်တို့ကို လိုက်ဖတ်စွာဝတ်ဆင်ထားသည့် မော်ကွန်းငယ်။ သူ၏ပုံပန်းဟာ အရမ်းကြီးအထက်တန်းမဆန်ပေမယ့် ကျက်သရေတော့ရှိနေပါ၏။ ထိုခန်းမထဲရောက်သည်နှင့် မော်ကွန်း ဟိုကြည့်ဒီကြည့်ဖြစ်နေ၏။ ဒီပွဲမှာ သူသိတဲ့သူဆိုလို့ ကိုရန်နိုင်နဲ့မယမုံသာဖြစ်လိမ့်မည်။ အလုပ်ကဝန်ထမ်းတချို့ရောက်နေပေမယ့် သူတို့အားလုံးကလည်း သူ့ကိစ္စနဲ့သူ အလုပ်ရှုပ်နေကြ၏။ ပွဲကလည်းမစသေးဘူးမို့ မော်ကွန်း ခန်းမအပြင်ကိုခနထွက်ရန် တွေးလိုက်ပါသည်။
ခန်းမ၏အပြင်ဘက် လူဝင်လူထွက်များနေ၏။ ဘယ်နေရာသို့ သွားရမှန်းမသိသည်ကြောင့် မော်ကွန်း ဟိုယောင်ယောင်ဒီယောင်ယောင်ဖြစ်နေ၏။ ထိုစဥ်...
"ဒီမှာဘာလုပ်နေတာလဲ"
အသံခပ်သြသြကြောင့် မော်ကွန်း လှည့်ကြည့်မိသည်။ မော်ကွန်း၏နောက်နားတွင်လာရောက်ရပ်နေသူက အရောင်အဆင်းတောက်နေသည့် သူ တနည်းအားဖြင့် မင်းထည်ဝါ။
"ခင်ဗျား... " မော်ကွန်း စကားပင်ဆက်မပြောနိုင်။ ထည်ဝါ၏ခန့်ညားမှုက မော်ကွန်းအား ဆွဲဆောင်နေသလိုပင်။ ရွှေရောင်အဆင်းရှိသည့်လည်ကတုံးအင်္ကျီအား ရွှေချည်ကွက်ထိုးထားသည့် ပိုးပုဆိုးနဲ့ဝတ်ထားပုံမှာ တောက်ပပြီး ကျက်သရေအဖြာဖြာရှိနေသည်။ ထို့ပြင် နှာဖူးပေါ်လှန်တင်ထားသည့်ဆံပင်ပုံစံက ဒီနေ့ကျမှအရင်နဲ့မတူ လူကြီးလူကောင်းဆန်နေသည်။ သူ ဒီလောက်ချောလိမ့်မယ်လို့ မော်ကွန်းတခါမှမတွေ့ဖူး။
ŞİMDİ OKUDUĞUN
Love Virus( Completed)
RomantikNo one can stop to love someone By Satan Starting date- 28.7.2020 Ending date- 10.11.2020
