👀unicode 👀
“ကိုကို မှူးကို ညီလေးတစ်ယောက်ထက် ပိုပြီး ချစ်မိနေပြီ မှူး…”
ကိုကို့စကားများကို ကြားပြီးနောက် မှူး၏နှလုံးသားမှာ ရပ်တန့်သွားခဲ့ရသည်။ ထိုစကားကို မျှော်လင့်ထားခဲ့ပါတယ် သို့သော် အမှန်တကယ်ကြားလိုက်ရတော့ စိတ်ထဲ ဝမ်းသာလုံးပင်ဆို့ရသည့်အပြင် ရင်တွေလည်း အဆမတန်ခုန်လာရသည်။ မှူးတစ်ယောက် အသိပင်လွတ်သွားမိသည်ကြောင့် နေရာတွင် ကျောက်ရုပ်ပမာ ငြိမ်သက်နေသည်။ မြူကတော့ သူ့အား မျက်လုံးအဝိုင်းသားဖြင့် ကြည့်နေသော မှူးကြောင့် စိုးရိမ်စိတ်တောင်ဖြစ်သွားရသည်။
“မှူး ကိုကို့ကို စိတ်ဆိုးသွားတာလားဟင် ကိုကိုတောင်းပန်ပါတယ် ကိုကို မှူးရဲ့စိတ်ကို ဖြည့်မတွေးမိဘူး”
မျက်နှာငယ်လေးဖြင့်ပြောနေသော မြူမှာ တကယ့်ကို စိတ်မကောင်းဖြစ်သွားဟန်။ သူတွေးမိသည်က မှူး သူ့အား လက်မခံလို့လားဟုပင်။ သို့ပေမယ့် မှူးက ငြိမ်နေရာမှ လှုပ်လှုပ်ရှားရှားဖြစ်သွားသလို ခေါင်းလည်းအသွင်သွင်ခါရင်း ငြင်းဆန်နေသည်။
“မဟုတ်ပါဘူး ကိုကိုရယ် ကျွန်တော် ကိုကို့ကိုစိတ်မဆိုးပါဘူး” မှူး၏ငြင်းဆန်သံကြောင့် မြူ ဝမ်းသာအားရဖြစ်သွားရသည်။
“တကယ်လား ဒါဆို ကိုကို့ကို …”
မှူး၏လက်ကိုကိုင်ရင်း မျှော်လင့်တကြီးစောင့်နားထောင်နေသော မြူကြောင့် မှူးပင် ရှက်သွေးဖြာရင်း မျက်နှာလွှဲမိသည်။ မြူကတော့ စားချင်တဲ့မုန့်ကိုမရရအောင်ပူဆာချင်နေသည့် ကလေးတစ်ယောက်လိုပင် မျက်လုံးတို့က အရောင်တလက်လက်။
“မှူးဖြေပါဦး”
“ဟုတ်….”
“ဘာဟုတ်လဲ” မှူး၏အဖြေအား တော်တော်ကြားချင်နေပြီဖြစ်သည်ကြောင့် မြူတစ်ယောက်မရိုးမယွဖြစ်နေလေသည်။ ထိုအခါမှ မှူးက မြူ့ထံရည်လဲ့လဲ့မျက်ဝန်းအစုံဖြင့် ကြည့်လာရင်း ဖြေရန်ကြိုးစားလာသည်။
“ကျွန်တော်လည်း ကိုကို့အပေါ် အကိုတစ်ယောက်ထက်ပိုပြီး ချစ်နေတာပါ ကိုကို…”
အသံခပ်တိုးတိုးလေးဖြင့် ဆိုလာပြီးနောက် မျက်နှာလေးက ပန်းသီးတစ်လုံးကဲ့သို့ရဲရဲနီသွားလေသည်။ သူ့အဖြေလေးကြောင့် မြူ ရင်ထဲဒိန်းခနဲဖြစ်အောင်ကို ပျော်သွားရသည်။
BINABASA MO ANG
Love Virus( Completed)
RomanceNo one can stop to love someone By Satan Starting date- 28.7.2020 Ending date- 10.11.2020
