INT. CLOTHES STORE, TEATRO UMA – NIGHT
Magkakasamang maglakad sina Niana, Diana, at Sapphire. May madadaanan silang magkasintahan, may dalang shopping bag ang babae, pero di nila ito masyadong papansinin. Sa dulo, makikita nila ang isang simpleng clothes store. Magugustuhan ni Niana ang mga damit na nakasuot sa mannequin.
NIANA: Grabe, bakit hindi sikat 'tong Uma? Hindi na nga 'to Teatro Uma, e. Uma Mall na 'to. Kakaiba pa design.
SAPPHIRE: Weird, ano? Meron din silang clothes store. Pero saan nanggagaling mga damit nila?
NIANA: Gusto ko pumasok. Parang trip ko 'yong ibang mga damit doon, o.
DIANA: Bes, next time na lang. Baka naghihintay na sila do'n—
Sisigaw ang tatlo dahil mararamdaman nila ang isang anino sa likod nila. Hihinga sila nang maluwag nang malaman nilang janitor pala ito. Mapapansin ni Diana ang pin na nakalagay sa damit: Hi, I'm Luis! Babaligtarin nito ang signage sa may clothes store. Mula open, magiging closed.
SAPPHIRE: Hello po, Kuya.
JANITOR: Manonood kayo sa sinehan, ano?
SAPPHIRE: Opo. Pero nine fifteen pa naman daw kaya namasyal kami saglit.
JANITOR: O sige't dalian n'yo na. Sinasara ko na ang mga stalls.
NIANA: Marami pa bang stalls, Kuya? Para kasing wala masyado—
JANITOR: Apat lang. Isa 'to. Hindi ko rin alam sa may-ari ba't ganito.
DIANA: Huy, tara na. Baka naghihintay na sila do'n.
SAPPHIRE: Sige po, Kuya. Thank you po.
Papasok ang janitor sa may clothes store habang tatalikod naman ang tatlo. Matatanggap ni Sapphire ang text ni Lucille: Oks.Punta kami! Tambay kami sa labas. Hintayin namin kayo.
SAPPHIRE: Late ko na-receive. Pero mukhang hahabol sina Lucille, pero hindi sa movie.
NIANA: Nyek! E, ba't sila hahabol? 'Lam mo, halata naman na may something 'yong dalawang 'yon. Naghahanap lang sila ng rason para mag-date. Woo!
Habang nag-uusap ang dalawa, mapapalingon si Diana at makikitang naglilinis ang janitor. Pero makikita rin niya itong titigil . . . at titingin sa kanya.
Didiretso ng tingin si Diana at maglalakad nang mabilis kasabay ninaNiana at Sapphire.
BINABASA MO ANG
Last Full Show
УжасыKasabihan na ang huwag nang gagala bago mag-graduation kundi may mangyayaring masama. Pero para sa graduating members ng theater club sa San Juan Senior High School, haka-haka lang ito. Magpapasya silang manood sa Teatro Uma, isang di-kasikatang pa...
