على حافة السطح جالسة بنت فوق السور مغمضة عينيها شعرها كيطاير مع الريح وشفتيها كيتحركو.. لا ماشي داكشي لي فبالكم اجيو نقربوليها.... قربنا وحنا نسمعو صوت ملاكي يدنن اخر ماخرج فالاغاني... بقات مدة طويلة وهي هكاك حتى سمعات الام ديالها كتعيطليها وهي تنزل كتجري.. نحبسو الصورة ونتعرفو على هاد البنت.. رنيم مراهقة عندها 17سنة.. هاد العام عندها الجهوي... قصيرة وطايتها عادية ماشي غليضة وماشي رقيقة.. والمميز فيها هو شعرها الطويل وعينيها الكبار.. ام رنيم هناء امرأة ذو 42 سنة.. ضريفة وكتحماق على بناتها وولدها.. ربة بيت.. نرجعو ماما: فين كنتي رنيم: فالسطح ماما: عاوتاني واش مبغاتش هاد القضية تحيد منك شي نهار غادي طيحي رنيم: (كدور عينيها) ماعندو مايوقعلي متخافيش ماما: (تنهدت) الله يهديك يا هاد البنت.. الناس فاش كتبغي ترتاح من القراية راه كيتكاو ولا يتفرجو ماشي يطلعو للسطح كون مكانوش جيرانا حافظينك يقولو بغات تنتاحر رنيم: نتي عارفاني كنتبت هدشي لي حفظت فراسي بهاد الطريقة ماما: صافي سكتي مابقيت بغيت نسمع والو رنيم: (معوجة فمها) واخة ماما: بغيتك تسخريلي رنيم: علاش فين شادي بالسلامة ماما: هداك غير خليه دبا يجي باباك ويوريه.. راه خرج وغبر.. ياله تحركي جيبيلي الحمص رنيم: (تحولو عينيها لقلوبة) غاديرينا الحريرة ماما: كاين شي وحدة كتشري الحمص اليوم ودير الحريرة اليوم.. راه خاصني نخليه فالما شوية رنيم: عفاااك اماما ديريها اليوم.. هانتي ديري الحمص فالما السخون بالزربة يتقاد ماما: ونتي لي غادي تنقيه رنيم: (كدور عينيها) نتي عارفاني مكنعرفش ماما: باباك خسركم والله.. صافي سيري شريه وجيبي طاسة دماطيشة متوسطة حتى هي رنيم: وخاا... خرجات رنيم للحانوت شرات داكشي ورجعات غير وصلات للباب تلقات عمها ومرتو وولدهم.. وقفات الصورة العم سعيد عندو 56 عام شخص قاسي ومتشبت بالعادات والتقاليد لي تربا عليها.. زوجتو سعاد عندها 48 سنة خاضعة لأوامر زوجها.. ابن العم حمزة عندو 24 سنة شخص ضريف وضحوكي.. كيساعد الاب ديالو فالتجارة.. وهما ساكنين فواحد الفيلاج رنيم: (بابتسامة) اهلا عمي عمي: سلام بنتي لباس عليك رنيم: حمد الله ونتوما كيدايرين سعاد: (كطلع وتهبط) بيخير.. اتخلينا فالباب رنيم: هههه لا حاشة... حلات الباب.. دخلو تفضلو.. دخل العم والزوجة وهو يجي حمزة عنقها حمزة: كيدايرة الزوينة رنيم: (بعداتو بشوية) مزيانة ونتا حمزة: حيت شفتك راني بيخييير رنيم: (بابتسامة صفرا) ياله زيد دخل... دخلو للصالون جلسو ومشات رنيم كتنكر للكوزينة ماما: فين تعطلتي و اش هاد الهدرة كنسمع رنيم: راه جا عمي سعيد ومرتو وولدو راهم فالصالون ماما: ومالكي معصبة رنيم: (دلات شفايفها) مغاديش ديريلنا الحريرة ماما: ههههه معمرك مغاتكبري ياهاد البنت.. زيدي نمشيو نسلمو عليهم رنيم: انا سلمت سلمي غير نتي... مشاو لعندهم للصالون داز داك البروتوكول ديال التسلام ومشات الام توجد الصينية ديال أتاي.. وبقات رنيم حداهم سعاد: تبارك الله كبرتي ورجعتي عروسة.. بدا حمزة كيبتاسم رنيم: (هاحنا بدينا عوتاني) مزال اخالتي.. علاش واش لي قدي قادين على شي زواج سعاد: وعلاش بالسلامة.. ها بنتي فاطمة تزوجات فاش كانت قدك رنيم: واش انا هي فاطمة اخالتي سعاد: (خنزرات) علاش مالها فاطمة ماما: (دخلات) زعما بغات تقوليك فاطمة تبارك الله عليها كتعرف دير شغل الدار ورنيم راكي عارفها سطلة فهادشي سعاد: ايوا نتوما لي خسرتوها.. دخل اب رنيم وهما يسكتو.. حبسات الصورة اب رنيم عادل عندو 50 شخص قاسي مع ولادو ومعمرو بينليهم الحنان على عكس مرتو لي مغرقاهم بيه.. موظف فشركة.. بابا: اهلا خويا.. تسالمو وهو يشوف فرنيم.. اش كديري هنا ياكما نسيتي الجهوي بعد غذا رنيم: لا ابابا انا غير... بابا: (قاطعها) بيتك... طلعات كتجري لبيتها حلات الباب وهي تقفز ختها.... تسنيم عندها 13 عام وكطير مع الطيور مي القراية كترجع جدية تسنيم: مالك الموصيبة خلعتيني رنيم: سيري سلمي على عمك ومراتو وخليني نقرا قبل مايجي بابا يجفف بيا الارض تسنيم: ههههههه واخة... هبطات تسنيم ورنيم رجعات لحفاظتها
