....: فين مشا رنيم: (بعصبية) ونتي سوقك... نتي خدامة معاه يعني علاقتكم فاطار الخدمة فقط.. برا دالخدمة معندك معاه حتى حاجة ....: نسيتيني يمكن انا لورااا... صديقتو وكنت قريب نكون حبيبتو رنيم: هانتي قلتيها قريب تكوني حبيبتو.. اما انا راني مراتو دبا ومامات بنتو لورا: (بصدمة) علاش واش كنتي حاملة رنيم: ههههه ياك نتي صديقتو.. مقالهاليكش؟.... شافت فيها لورا وهي تمشي سدات رنيم الباب ودخلات... هزات تيليفونها عيطات لاسلام رنيم: فينك اسلام: هانا فالطريق ساعة نكون عندك رنيم: واخة.... قطعات معاه وجلسات كتفكر.......... دخل اسلام حيد صباطو وحط السوارت وهو يدخل لقاها متكية اسلام: (باس حنكها) هانا جييت رنيم: (دارت شافت فيه) على سلامتك اسلام: الله يسلمك.. مالك بنتيلي فشكل رنيم: (جلسات) اش جاب ديك لورا لعندي للدار.. ياكما كانت مولفة تجي لعندك اسلام: لا فوقاش جات رنيم: شي ساعة هادي اسلام: (دوز يديه على شعرها) ودبا علاش مقلقة رنيم: اش بينك وبينها اسلام: كتأمني بالله.. والله مابيناتنا شي حاجة خدامة معايا وصافي... كانت صديقة عادية مي غير ارتابطت بيك قطعت علاقتي معاها رنيم: (عنقاتو وتحشات فيه) انا كنغير عليك الموصيبة اسلام: ههههه الحمقة ديالي معندك مناش تغير.. حيت عينيا كيشوفوك غير نتي رنيم: (ابتاسمات) زعما زعما اسلام: ههههه والله... ياله نوضي وجديلي شي حاجة ناكلها.. حبيبك فيه الجوع رنيم: هي لي متعاودش... ناضت رنيم للكوزينة واسلام دخل يدوش.... وجدات العشا وهو يدخل اسلام اسلام: مممم ريحة زويينة بعدا رنيم: ههههه ياله جلس تاكل... جلس وهي حطات داكشي ياله بغات تاكل وسمعات البكا دبنتها اسلام: غير خليك انا نجيبهاليك رنيم: اوك.... بدات كتاكل حتى دخل اسلام هاز جاسمين.. خداتها من عندو عطاتها ترضع وجلسو كيتعشاو بجوح رنيم: فوقاش غادي نمشيو اسلام: غذا فالعشية نمشيو عند عائلتك باش من تما ندوزو للمطار مجموعين رنيم: اوك ان شاء الله.... كملو ماكلتهم مشات رنيم تنعس بنتها واسلام غسل دوك الماعن.. رجع كل حاجة لبلاصتها رنيم: (بهمس) بشوية راه ياله نعسات اسلام: (بهمس) ولي بغا يبوس كيفاش غيدير؟
يوم جديد رنيم جالسة كتجمع حوايجهم واسلام كيراري بالبنت.... كملات وناضت وجدات الغذا... كلاو ولبسو حوايجهم وهما يشدو الطريق..... جلسات رنيم اللور حدا بنتها وهزات تيليفون كتسيلفا اسلام: صافي لحتيني.. مبقيتي كتشوفي حد من غير بنتك رنيم: هههههه نااري على مغياار... حيدات السمطة وناضت لعندو عنقاتو وباستو فحنكو رنيم: عجبك الحال دباا اسلام: (شد يدها باسها) اي لوف يوووو.... رجعات رنيم لبلاصتها وهي كضحك......... بعد مدة وصلو للدار رنيم: (عنقات تسنيم) مبرووووك عليك احبيبتي تسنيم: الله يبارك فيك اختي.. وينو على حبيبة خالتها حالة عويناتها.. عطيهالي رنيم: هههه هاكي الالة مي عنداك تجي تعطيهالي فاش تحمقك تسنيم: غيير سيري..... سلمات عليهم كاملين وجلسات.. اما تسنيم ومريم حماقو غير مع البنت مريم: عطيهالي شوية متكونيش مسمومة تسنيم: انا ياله شديتها سيري بعدي مني شادي: نتي عطي للبنت تشدها شوية تسنيم: (عوجات فمها) بابااا هدر معاه.. شوف كيفاش جا من جهة مراتو عادل: ههههه نوضي ابنتي عاوني ماماك تسنيم: يااااك... عطات جاسمين لرنيم ومشات رنيم: هههههه اجي خوديها راه تسنيم مسمووومة مريم: (بفرحة) واخة..... شداتها.. بسم الله.. مااا شاء الله فنييونة.. باستليها يديها.. الله على ريحة....... شادي بقا كيشوف فيها ويضحك اما هي نسات راسها وبدات كتلعب معاها........ بعد مدة خداتها رنيم حطاتها فالبيت تنعس ورجعات لعندهم تعشاو مجموعين وكلها مشا لبلاصتو... مع الدار لي كارية رنيم كبيرة شوية ولحد الان هي لي كتخلص الكرا ديالها.... دخلات مريم وشادي لبيتهم.. تحشاو فبلاصتهم وقربات مريم لعندو عنقاتو ونعسات فوق صدرو كيف كل ليلة شادي: (كيدوز يديه على شعرها) شفت جاسمين حمقاتك مريم: بزااف انا اصلا كيحمقوني الوليدات الصغار شادي: هي قوليلي غنولدو بزااف مريم: (تزنكات) الصمت شادي: ههههههه مالك سكتي مريم: بونوي... عطاتو بالظهر ونعسات شادي: (عنقها من اللور) بونوي....... يوم جديد كل واحد فيهم كيجمع حوايجو.. اسلام خدا جاسمين ركبها على صدرو وخرجو..... لحظات كانو كلهم فالمطار دازو من الاجراءات المعتادة وركبو الطيارة عادل: (بابتسامة) بقالي داك الجن يشد ديبلومو وغادي نرتاح هناء: ان شاء الله غادي يشدو.. شوف دبا راه مزوج وحسيت بيه تبدل وكبر فعقلو ماشاء الله عادل: اه لاحظتها وحتى مريم بنت مزيانة وان شاء الله نفرحو بيها حتى هي فاش تخرج هناء: ان شاء الله ياربي عادل: بقاتلي تسنيم لي غالبا ايبغي طارق يتزوجو فهاد العطلة... نتمنا يكون بحال اسلام ويعاملها مزيااان هناء: مادام ختو مزيانة ان شاء الله غيكون مزياان مع بنتنا عادل: ان شاء الله
