عند رنيم لي رجعات لدارها.. تجمعو على العشاء عادل: فين مشيتي رنيم: شريت العشا لسفيان واكرام ديتوليهم وتوادعت معاهم.. هما غذا ايسافرو ان شاء الله هناء: الله يوصلهم على خير رنيم: اميين.. نادية كيدايرة اختي سافا نادية: الحمد لله اختي رنيم: وينو على الصغيورة ديالنا اجي لعندي ....: لاء حمزة: روميساء حشومة هادي راها عمتك رنيم: (ابتاسمات) خليها على خاطرها... كملو عشاتهم وطلعات لبيتها تنعس... ياله تكات وهو يصوني تيليفونها رنيم: (جاوبات) اش مسهرك حتى لدابا طارق: (تنهد) ختك رنيم: اطونسيو تقربليها.. هاااودني منك طارق: على اساس هي مخلياني.. كان كيسحابلي نتي لي قاصحة صدقات ختك قالتليك شي مكتعرفي فالقصوحية.. اوو انا جيت طليت عليها ودارت فيا قالتلي ختي قاتلك اجي تبات هنا ماشي تجي فالنهار.. البنت كتجري عليا بطاي طاي رنيم: هههههههه بقيتي فيا.. كيدوزات هي بعدا طارق: مزيان الحمد لله.. متخافيش راني قابلتها.. وكلتها وشربتها وغطيتها كلشي درتو ياكما ترضى عليا مي بانليا غير كنحلم رنيم: ماعرفت منقوليك... انا منقدرش نتدخل هي كبيرة وغادي تاخذ قراراتها بنفسها.. ويلا كنتو مكتابين لبعضياتكم راه غادي تكونو بجوج طارق: وراه اول مرة نتلف ومنعرف مندير مع شي بنت.. اوو منين مادخلتليها منافعش بديت كنفقد الثقة فراسي رنيم: نصيحة ختي جدية بلا قياس وفوقت القراية كتكون كتفكر غير فيها... دبا سالات وانا مزال غنزيد شي يامات هنا فالمغرب.. حاول تقرب منها مي بحدود نسمعك غير قستيها ناكلك.. البنت كيفما كانت كتضعف قدام الرومانسية.. والرومانسية ماشي هي البوسان.. تقدر تاخذليها الورد، الشكلاط، شي عشاء فمكان رومانسي، تتغزل بيها... بحال هكا طارق: ممم اوك نحاااول رنيم: واخة.. مي هاااودني منك تقربليها ولا غير تفكر ناكلك طارق: الى خلات فيا شي عظم صحيح غير كولني هههههه رنيم: هههههههه لهاد الدرجة كتخلعك طارق: وايييه.. مي شوفي انا كنبغيها وحاطها فراسي وغادي نخليها تبغيني وهانتي غاتشوفي رنيم: واخة هاحنا غنشوفو.. ياله خليني نعس راني عييت طارق: اوك بوونوي... قطعات معاه وتكات بلاصتها تفكرت نهار اعتارفليها وبدات كضحك #فلاش_باك طارق: (بتوتر) رنيم بغيت نعتارفليك بشي حاجة رنيم: (كتقرا كتاب) وي كنسمعك طارق: ممم انا كنبغي ختك تسنيم رنيم: (شيرات عليه بالكتاب) كيفاااااش طارق: ايي.. مالك واش حماقيتي رنيم: (هزات صاكها كضرب فيه) واش تسطيتي.. اشدااك لختي.. انا درت فيك الثقة ودخلتك لداري ونتا كتشوفلي فختي اولد الحرام طارق: (شدها) وعلاش نتي اوستن بغاك وبغيتيه.. انا من النهار اللول سحراتني ومبقيتش قادر نحيدها من بالي.. وكون كنت ناوي على الغدر كاع منقولهاليك
