داخلة كتجري للكلينيك وقلبها غيسكت بالخلعة لا هي لا طارق.... بزز باش قدرو يدخلو حيت كانت الصحافة مجمعين فالباب.. بانليهم شادي واقف قدام غرفة وكيبكي تسنيم: شااادي.. مال رنيم شادي: (عنقها) معرفتش.. هئ هئ مزال مخرج الطبيب.... جلسو كيتسناو حتى بانليهم الطبيب خارج طارق: عفاك كيبقات المريضة وشنو عندها الطبيب: (حيد نظاظرو) معندي مانخبي عليكم.. المريضة عندها ورم فالرأس شادي: ك..ك..كيفاش تسنيم: (جلسات فالارض) اويلي على ختي مسكينة طارق: كاين علاج ياك الطبيب: اكيد رغم نسبة نجاح العملية قليلة طارق: اوك نقدرو ندخلو لعندها الطبيب: وي تفضلو... طارق نوض تسنيم من الارض طارق: تهدنو ومسحو دموعكم غادي تخلعوها شادي: وي عندك الحق.... مسحو دموعهم ودخلو لعندها كانت متكية ودموعها نازلين تسنيم: (حابسة البكية) رنييم رنيم: (عطاتهم بالظهر) بغيت نبقا بوحدي..... بقاو كيشوفو فيها حتى عياو وخرجو.... غير تسد الباب وهي تكمش على وضعية جنين وبدات كتبكي.... اما برا فكانت تسنيم معنقة طارق وكتبكي.... شوية بانتليهم كارمن داخلة كتجري كارمن: فين رنيم شادي: هاهيا الداخل كارمن: شنو عندها شادي: ورم فالراس كارمن: الله اكبر..... دخلات لعندها لقاتها كتبكي مشات نيشان لعندها عنقاتها... متبكيش اختي.. الله كبيير ومغاديش يتخلا عليك رنيم: خايفة اكارمن هئ هئ.. مبغيتش نموت كارمن: لا نتي مغاديش تموتي.. غاديري العملية وترجعي بيخير كوني متأكدة... دوزات معاها الليل كامل وهي تشجعها وتعطيها امل... شادي كان ناعس فوق كرسي حتى فاق على التيليفون كان باباه شادي: الو الواليد عادل: (بخوف) شنو وقع لختك... كاع الجرائد الالكترونية كيهدرو على ختك بلي راها فالكلينيك.. شنو عندها شادي: (بعد صمت) ورم فالراس عادل: كيفااااااااش............ دازت اياام ورنيم فالكلينيك مبغاتش دير العملية حتى يجيو والديها... هاد النهار عيط عادل وهو منهار.. لان رفضولو الفيزا..... الليل كامل وهي كتبكي وخوتها كيصبرو فيها.... هاد الصباح غادي يديوها باش يحيدوليها الشعر وفاقرب وقت دير العملية... جلسات ياله هز هاداك المقص وهي تهرب... حلات الباب وخرجات.. فجأة وقفات............
