ناضت رنيم كتعاون اكرام.. جمعو الدار وسيقوها.. بقات اكرام مع البنات كتنعسهم ورنيم ناضت طيبات الغذا... كملات وجلسو مجمعات اكرام: اجي بعدا مورتينيش راجلك كيداير رنيم: ههههه تسناي.. جبدات تيليفونها... هاهو اكرام: اوووه بوكوص مع راسو رنيم: اوا جمعي عينيك راه ديالي هدا اكرام: انا عندي سيييدو غير ربحي بيه... اجي بعدا واش جا معاك رنيم: (بحزن) لا دابزنا اكرام: علاش رنيم: مبغاش يتختن اكرام: (طرطقات بالضحك) ههههههههههههه وااهيا ناري على الرجل بلحيتو عاد غادي يتختن رنيم: مضحكيش عليا.. راه لي فيا كافيني اكرام: (حابسة الضحكة) متقلقيش دبا يتختن غير رتاحي سفيان: شكون هدا لي غادي يتختن اكرام: راجل ختك ههههههه سفيان: ههههههه مزال اوستن ماتختن رنيم: حتى انا مسطية حيت كنعاودليكم سفيان: (عنقها) اجي الموصيبة لي بلاني بيها الله... توحشتك رنيم: حتى انا توحشتك... زيانيتي جات معاك الابوة سفيان: (قرصها فحنكها) ههههه ياك بعدا اكرام: انا هنا سفيان: (عنقها) نتي راك الحب المغيارة.. فين البنيات ياكما عدبوك اكرام: راك عارف كيف العادة مي هاد النهار عوناتني رنيم فيهم سفيان: اوا مزيان.. انا غادي نبدل حوايجي ونرجع حطيلي الغذا راني مت بالجوع اكرام: واخة احياتي.... رجع سفيان هاز ابتهاج معاه سفيان: لقيت الخايبة فايقة وانا نهزها باش متفيقش ختها اكرام: احسن مادرتي....... دوزات العشية معاهم وسفيان ممشاش للخدمة بقا معاها.. رجعات للدار لقات مريم مزالة كاينة رنيم: سلام وعليكم هناء: فين بقيتي النهار كامل رنيم: غير مع اكرام وسفيان... مريم ياكما قنطتي مريم: لا بالعكس جلست انا وتسنيم كنتعاودو وخرجنا فالعشية ومبغاتش تخليني نرجع رنيم: احسن ماداارت.. انا نبدل ونرجع...... طلعات لبسات بيجامتها ورجعات.. جلسو مجمعات بثلاثة وماماها فالكوزينة كتوجد العشا مريم: احم سمحيلي نسولك رنيم: وي تفضلي مريم: علاش اعتازلتي الغنا رنيم: (بابتسامة) راجلي مبغاش نكمل الغنا.. وديجا انا كنت دايراه كخدمة كنصرف فيها على راسي وخوتي مريم: ااه اوكك
