صبح الصباح فاقت رنيم كتكسل هبطات تفطر.. ملقاتش العائلة وبدات كضحك فخاطرها باينة باباها بهدلهوم رنيم: صباح الخير بابا/ماما: صباح الخير... جلسات كتفطر بابا: هانتي دبا مع ماماك.. من اليوم بداي تعلمي طيبي رنيم: علاش غادي نتعلم نطيب ابابا بابا: نتي معولاش تزوجي وتسكني فدارك بوحدك رنيم: (تصدمات) ك..كيفاش بابا: راك كبيرة دبا وواعية ياله نخليكم دبا ونبغي فأقل من سيمانة ندوق شي حاجة من ماكلتك..... ناض خلاها مصدومة رنيم: ماما اش كيقول بابا ماما: (دوزات يديها على شعرها وهضرات بحزن) كبرتي ابنتي وغادي تبعدي عليا.. ياله نوضي نبداو رنيم: لا اماما انا مبغاش نتزوج.. وباش بغيتوني نتزوج بهداك الحمار ومزوج من الفوق حشووومة عليكم ماما: (تنهدات) لي مكتابة ليك هي لي غتكون.. ياله نوضي رنيم: لا اماما.... طلعات كتجري لبيتها سدات الباب وجلسات كتبكي.... بقات هكاك حتى وصلات وقيتة دالغذا بابا: فيناهيا رنيم مبانتليش ماما: مبغاتش راه طلعات من قبيلة وهي كتبكي.. كون غير هدرتي معاها وشرحتيليها بابا: مغادي نشرحلها والو وهي غادي تنفذ داكشي لي قلتليها... طلع لعندها وحل الباب لقاها متكية ودموعها على خدها... رنيم رنيم: (ناضت) نعام ابابا بابا: علاش مدرتيش داكشي لي قلتليك رنيم: عفاك ابابا مديرليش هكا هئ هئ.. انا كنكره حمزة والبارح جا تهجم عليا فبيتي.. مبغييتش نتزوج بيه بابا: كيفاش رنيم: انا طلعت لبيتي هئ هئ ولقيتو فاش جيت نخرج شدني وحاول... بابا: شنو دار رنيم: باسني هئ هئ وحاول يدير كثر كون مهربتش بابا: علاش مقلتيهاليش رنيم: خفت نوض المشاكيل مع العائلة واصلا هما مكيحملونيش.... خرج باباها وزدح الباب حتى قفزات.... بعد مدة هبطات رنيم: فين بابا ماما: راه خرج اجي تغذاي... تغذاو مجموعين ومشات جلسات فالبيت كتفرج... حتى جات عندها ماماها ماما: اجي عاونيني رنيم: فاش اماما ماما: بغيت ندير الملوي ونتي لي غاديريه ومبغيتش اعتراض ياله نوضي رنيم: (تنهدات) وااخة.... ناضت كتجر فرجليها دخلو للكوزينة وبدات كتورييها وطبق داكشي... حتى كملو شي جا عوج شي محروق رنيم: اففف يدي تحرقو ماما: هههه يدين ميكة عندك... وا ملويي هدا تبارك الله رنيم: مالو راه زوين ماما: مممم لا باينة.... جات تسنيم وشادي تجمعو بربعة يديرو كسكروط غير داقو داكشي وهما يلوحوه... عاادي فالمرة اللولة يوقع هكا متقلقييش رنيم: (معوجة فمها) واخة..... وصل الليل وناضت رنيم وماماها كيطيبو العشا... رنيم عجبها الجو حسن ماتجلس غير كتفكر... كانت ماماها حريصة انها توريها داكشي بأصولو ورنيم متبعا معاها...... دخل باباها مشافش جيهتهم مشا نيشان لبيتو
