يوم جديد ودعات رنيم عائلتها ومشات تسنيم وشادي معاهم للمطار... عادل: (شد ودن تسنيم) ديها فقرايتك نسمع شي حاجة ماشي تالهيه نجي نتفاهم معاك تسنيم: (كترمش عينيها) و..واخة..... توادعو ومشاو والديهم وسفيان شادي: بقيتي فيا ههههه تسنيم: (معوجة فمها) سكتنا عفاااك... رجعو للدار.... كانو والدين اوستن مشاو لدارهم وكارمن حتى هي مشات بقا غير اوستن ورنيم اوستن: اش كديري رنيم: كنطيب اوستن: اجي جلسي راك مزال مريضة رنيم: نو عادي خليني نتحرك شوية اوستن: اوك انا نعاونك.... بقا كيمدليها داكشي لي باغا حتى دخلو خوتها شادي: هاي هاي على الموسيو كيعاون فالكوزينة تسنيم: (ضرباتو بجنب يدها) حشم الموصيبة رنيم: صافي مشاو شادي: وي من بعد مابهدل تسنيم مسكينة ههههه رنيم: علاش شادي: (شاف فاوستن) السيد طارق طلب الزواج من تسنيم وابي رفض ههههه اوستن: انت لا زلتي صغيرة ويجب عليك ان تركزي على دراستك فقط تسنيم: (ضربات رجليها مع الارض) وانتي شدي عليا راجلك اويلي واش باغيين تحمقوني رنيم: هههه صاافي تهدني.. وطارق الى كيبغيك يزيد يصبر مافيها والو دبا دييها فقرايتك اوك... مشات تسنيم لبيتها وهي كتبركم.. رنيم رجعات لطيابها وشادي جر اوستن خرجو شادي: (بابتسامة) اظن انه يجب عليك تعلم اللهجة المغربية لكي تفهمنا بسهولة اوستن: ممم انا ايضا فكرت في هذا الامر شادي: (بشر) انا سأعلمك اوستن: اووك شكرااا شادي: حسنا.. ستذهب الان عند رنيم زوجتك وتقول لها هذه الجملة.. 《رنيم انا كنبغيك ونتي راك مراتي وحبيبتي ودبا انا جاتني *ملة》.. هل فهمت اوستن: اوك ساقولها لها.. شكرا.... مشا اوستن للكوزينة وهو كيعاود فالهدرة لي قاليه شادي حتى وصل لعندها اوستن: رنيم انا كنبغيك ونتي راك مراتي وحبيبتي ودبا انا جاتني *ملة رنيم: (دارت يدها على فمها) اويلي اش كتقول اوستن: شادي بدأ بتعليمي اللهجة المغربية واتيت كي اقول لك اول جملة تعلمتها رنيم: اناري متعاودش تقولها راه كلام خايب هداك..... شاااادييييي شادي: (جمع ضحكتو ودخل) نعام اختي رنيم: (شيرات عليه بكاس بلاستيكي) ياولد الحرام كتعلم لراجلي تخسار دالهدرة شادي: واغير بغينا نضحكو معاه وهو دارها بالصح ههههههه رنيم: خرج عليا الله يمسخك... دارت شافت فاوستن.. راه خويا باسل متبقاش تديها فهدرتو اوك اوستن: اوك.. مي بغيتك تعلميني اللهجة المغربية باش ميبقاش يضحك عليا رنيم: وااخة هي لي متعاودش احياتي
