دازت الايام وطارق غبر من داك النهار.. كانت رنيم خارجة من الجامعة حتى صونا تيليفونها رنيم: توحشتك سفيان: انا كثر.. سافا رنيم: حمد الله هاد الساعة ونتا سفيان: بيخيير.. بغيتك غذا تكوني عندي رنيم: علاش سفيان: عرسي السيمانة الجاية واكرام صدعاتني عليك رنيم: ويلي نسييت والله سفيان: تبدلتيي عليا هاد الايام.. مبقتيش كتسولي فيا كيفما مولفين رنيم: عارفة راسي مقصرة معاك ديزولي سفيان: غادي نسامحك الى جيتي غذا نتي وتسنيم وشادي رنيم: (تنهدات) تسنيم عندها امتحانات اخر السنة مغتقدرش تنزل مي انا غادي نجي راني ساليت سفيان: وداك الجن ديال شادي رنيم: حتى نجي ونعاودليك سفيان: شنو كاين رنيم: هادشي ماشي ديال التيليفون.. حتى نجي ونهدرو سفيان: واخة اختي.. المهم انا كنتسناك رنيم: اوك.... قطعات معاه وحطات تيليفونها فالصاك وكملات طريقها........ جالسة فالطيارة مغمضة عينيها كتحاول تخوي دماغها وتفرح مع اكرام.. اشراق شادة كتاب كتقرا فيه شوية وهي تنغزها رنيم: (حلات عينيها) شنو اشراق: دبا نتي خليتي تسنيم بوحدها عادي حيت اصلا راها كبيرة وبعقلها مي علاش قلتي لطارق يبقى معاها رنيم: وراه عادي.. هاداك صديق ديالي وعزيز عليا... وصيتو ميخليش تسنيم بوحدها حيت كتخاف تبات فالدار بوحدها من الاحسن يبقى معاها.. واصلا غادي يمشي عندها غير فالليل اشراق؛ ياختي انا داك طارق مرتاحيتلوش رنيم: شوفي خليني نعس راني عياانة.. وطارق كنتيق فيه وانا مطمأنة عليها دبا...... غمضات عينيها ورجعات نعسات...... وصلو وكان فاستقبالهم سفيان رنيم: (عنقاتو) زيانيتي العريس سفيان: هههههه توحشتك الخايبة رنيم: حتى انا وبزاااف... تسالمو سفيان واشراق وشدو الطريق..... وصلهم لدارها كانت فاستقبالهم ماماها ونادية هناء: توحشتك ابنتيي رنيم: حتى انا اماما.... سلمات على نادية... المهم داز روتين التسلام ودخلو..... كان سفيان حداها سفيان: (بشوية) ياله نخرجو بغيت نهدر معاك رنيم: واخة... ماما انا غادة مع سفيان شوية ونجي.. اشراق راه دار دارك اوك.. وهاهيا ماما توريك البيت فين ترتاحي اشراق: صافي غيير سيري رنيم: ههههه اوك.... خرجو ركبو فالطوبيل وكسيرا سفيان: كنسمعك.... رنيم تنهدات وعاوداتلو داكشي لي وقع معاها كامل سفيان: (كيغوت) واش حماقيتي... هادشي كامل وقع وانا مقايلالي والو.. وداك الجن صافي كبر وخرجليها طاي طاي كاع مدرتها انا.... شافها كتبكي وهو يسكت وعنقها رنيم: عييت اسفيان والله.. باغة نرتاح حتى انا
