مرت الايام ورنيم رجعات لحالتها القديمة.. جالسة غير فالدار مكدير وااالو حتى لهاد النهار سمعات الدقان.. ناضت حلات الباب وهي تصدم بالعائلة لي جاو... سلمات عليهم ودخلو جات الام حتى هي سلمات عليهم وجلسو.... كانو عمامها بجوج وعيالاتهم وعمتها وراجلها.. وحتى من ولادهم وولد عمها حمزة اكيد..... كريمة: (باستهزاء) ايوا ارنيم لقيتي شي خدمة رنيم: لا اعمتي حمزة: اش عندها مادير بالخدمة هاهيا جالسة مرتاحة حتى تزوج سعاد: (طلعات فيها وهبطات) اييه وخا كبرات فالعمر رنيم: (ايوا اش غنقوليكم بغيتلك غبارة نتي وهاد ولدك وحتى هاد عمتي معاكم) الصمت ماما: (شافت فبنتها بحزن) رنيم اجي تسخريلي ابنتي... ناضت للكوزينة وتبعاتها رنيم غير دخلات وهي تبدا تبكي.. صافي احبيبة متفقصيش راسك خليهم يهدرو حتى يشبعو رنيم: قالك العائلة الله يعطي لباباهم القطيعة.. اشمن عائلة هادي لي تشمت فيك ماما: (عنقاتها) صافي احبيبة متبكيش رنيم: فاش يجي بابا غادي نقولهالو ماما: واخة ياله مسحي دموعك وسيري خرجي يضربك الهوا شوية... خرجات رنيم كانت جردة فدربهم مشات جلسات فيها وبقات كتفكر..... دازت شي ساعة وهي ترجع للدار مشات نيشان لبيتها.. دخلات وهي تسد الباب عليها بالساروت.. دارت وهي تلقا حمزة رنيم: (بصدمة) اش كدير هنا حمزة: توحشتك وجيت نشوفك رنيم: عفاك خرج من بيتي.. دارت بغات تحل الباب وهو يجبدها لعندو حمزة: (كيشم فشعرها) انا مزال كنبغيك ومستاعد نضحي على قبلك بكلشي غير كوني ليا رنيم: (كتحاول تبعدو) طلق مني حرام علييك... متنساش بلي نتا مزوج وأب لطفل من الفوق حمزة: نتخلا على كلشي على قبلكك رنيم: والله تنغوت ونشوهك الى مخرجتيش... كلاها مع الحيط وحدر وجهو لجهتها وهي كتركل بين يديه... شافتو قرب لفمها وهي دور وجهها بالزربة.. باسها فحنكها وحدر لعنقها كيبوس وهي كتبكي رنيم: ماما بابا هئ هئ... سدليها فمها وحاكمها مزيان حمزة: شششش انا كنبغيك وغادي نتزوج بيك.... فلحظة غفلاتو وضرباتو لحجرو خلاتو معوج وهي تحل الباب بالزربة وخرجات.. دخلات للطواليط وسدات عليها وبدات كتبكي... دقات قلبها تسارعو ويديها كيترعدو.. غسلات وجهها وبقات مدة حتى حسات براسها ارتاحت عاد خرجات طلات على البيت من بعيد وهي تلقا تسنيم عاد دخلات وسدات الباب تسنيم: مال وجهك مخطوف رنيم: و والو... جلسات فوق الناموسية حاطة يديها على قلبها وكتفكر الخوف تملكها تسنيم: (قربات لعندها) ختي ماالك رنيم: د داك الحمار باسني هئ هئ تسنيم: كيفااش شكون هدا رنيم: حمزة تسنيم: ولد الحرااام.. صافي احبيبة متبكيش عفاك.... عنقاتها ورنيم كتبكي حتى ارتاحت..... جات ماماها عيطاتلهم يتعشاو نزلات وهي محاملاش تشوف فيه... دخلات جلسات وبقات سهيلة مراتو كتخنزر فيها مداتهاش فيها.... تعشاو مجموعين وناضت عاونات ماماها جمعات الطبلة.... حطو اتاي وجلسو سعيد: خويا هاد النهار جينا مجموعين فنيتنا واحد الحاجة بابا: شناهيا سعيد: نزوجو رنيم لحمزة بابا: كيفاش ياك هو مزوج حمزة: اه اعمي مي الشرع عطانا ربعة بابا: اييه عندك الحق.. نتوما بيتكم..... طلعات رنيم معصبة مكرهتش ضربو قدامهم.. مشات نعسات حيت متأكدة باباها مغاديش يبغي
