شادي قربليها لقاها ناعسة وهو يشرع فتقبيلها فاقت غير شافتو وهي تشهق مريم: ا..اش كدير شادي: صبرت عليك بزاف.. مبقيتش قادر نزيد نصبر مريم: لا لا عفاك مديرهاش هئ هئ.... مداهاش فهدرتها وحدر لعندها... بقات مريم كتغوت وتنطر...... فاقت وهي كترعد... حطات يديها على قلبها مريم: اعوذ بالله من الشيطان الرجيم... هزات راسها وبانليها شادي كيصلي بقا جالسة كتشوف فيه بصدمة.... كمل شادي صلاتو وناض لعندها نيشان شادي: مرييم مالك مريم: لا والو غير حلمت.. واش وصل الفجر شادي: اه.. ارتاحي ورجعي نعسي مزال الحال مريم: واخة...... رجعات تكات وهي كتفكر حتى نعسات....... يوم جديد فاق اسلام لقا رنيم مزال ناعسة ومحشية فيه.... مشا غسل وجهو وقضا حاجتو عاد ناضت رنيم حتى هي دارت روتينها ولبسو حوايجهم..... عند شادي ومريم لي كانو ناعسين... فاقت مريم لقات راسها ناعسة فوق صدرو ناضت بالزربة من فوقو.... وقفات قدات شعرها ياله بغات تخرج وهي توقف... بقات كتشوف فيه كيفاش ناعس والابتسامة على وجهها........ حدرات راسها وخرجات لقات تسنيم ورنيم كيوجدو الفطور........ فطرو مجموعين فجو لا يخلو من المرح و الفرحة.... رنيم جرات مريم تهدر معاها رنيم: بديت كنفكر فحالتك وقلت علاش لا متشوفيش طبيب نفساني باش تقدري تجاوزي هاد الخوف.. شنو بانليك مريم: (بعد تفكير) ممم واخة... مي من الاحسن شادي ميعرفش رنيم: واخة.. انا نوصل للدار ونصيفطليك عنوان واحد الطبيب كنعرفو سيري لعندو مريم: واخة شكراا..... توادعو ومشات رنيم مع اسلام.. مسافة الطريق كانو وصلو لدارهم............... مرت ايام وشهور مريم متبعة مع الطبيب وحسات بالتحسن وخوفها بدات تجاوزو... اما رنيم كرشها وصلات فمها كتحرك غير بزز وعلاش لا وهي دخلات لشهرها..... ماماها وباباها شدو الطريق وجاو لعندها هناء: اجي جلسي خليني انا نطيب رنيم: نتي اماما عييتي غير خليني انا نطيب بالزربة هناء: كوني تسمعي الهدرة... دخل اسلام لقاهم مناكرين اسلام: واش نتي غذا اتولدي ومزال فيك الجهد ديال الهدرة اجي تجلسي عطي الراحة لراسك رنيم: افففف.... مشات رنيم لبيت الجلاس لقات باباها جالس كيتفرج وهي تحشا حداه عادل: مال اميرتي الصغيرة رنيم: خايفة من غذا عادل: (دوز يديه على شعرها) ماعندك مناش تخافي بالعكس خاصك تفرحي حيت غذا اتشوفي ولدك رنيم: فنظرك ابابا انا عندي ولد ولا بنت عادل: معرفتش ومكيهمش جنس المولود كثر من انه تكوني نتي وياه بصحيحتكم رنيم: ان شاء الله...... تجمعو على العشا كلاو وناضو ينعسو اسلام: بونوي.... طفا الضو وعطاها بالظهر حتى بدات تحركو.. شنو رنيم: (بهمس) خايفة اسلام: (عنقها) ماتخافي من واالو احياتي كولشي غيدوز مزيان........... نعسات رنيم وهي فحضن اسلام حتى فاقت بكري على الوجع رنيم: افف الله ياربي الله... بدات كتمشا مدة عاد حبسليها.. شافت الساعة لقاتها 6 دالصباح.... خرجات للبالكون وبدات كتشم فالهوا
