اوستن: (باس ختو) سافا كامرن: وي ونتا اوستن: بيخير... مشا جلس وهو يخنزر فيه باباه.. احم كيدارة نتي سافا رنيم: (بنفخة) وي.... بداو كياكلو ورنيم كتاكل غير سلاد سيلين: بنتي خودي لي بغيتي متحشميش كارمن: نو هي مكتاكلش هادشي سيلين: علاش كارمن: الدين ديالهم محرم الخنزير والحيوانات لي ميتة ممدبوحاش سيلين: ااه اوكي.. سمحيلي ابنت مكنتش عارفة رنيم: نو عادي اخالتي اوستن: (كياكل وكيشوف فيها بشر) ممم شنو بانليك اكارمن نخرجو هاد الليلة لشي كلوب وتخرج صاحبتك معانا كارمن: (شافت فرنيم) شنو بانليك نخرجو رنيم: اوكي كارمن: داكوغ العشية نخرجو اوستن: (بابتسامة جانبية) اوكي.... كملو الغذا وطلعات رنيم وكارمن.. وراتها بيتها فين ترتاح ومشات كارمن لبيتها..... حطات رنيم باليزتها وجبدات منها بيجامة لبساتها وخرجات للبالكون هازة تيليفونها.. دارت ابيل فيديو مع سفيان وهي جالسة على سور البالكون سفيان: اووووه وشكون تفكرني رنيم: انا ديما مفكراك نتااا لي ناسيني سفيان: اش هاد الهضرة وانا نقدر نسا حبيبة قلبي رنيم: (عوجات فمها) براكة من ديك الهضرة البايتة سفيان: ههههه دبا رجعات هضرتي بايتة... تلاقيتي مع تيتيز مبقيناش كنبانوليك رنيم: اشمن تيتيز الله يهديك حتى نتا سفيان: هههههه ممم عليا هاد الهضرة... المهم فينك دبا رنيم: (دورات تيليفون بانتليه الجردة) ها فيني سفيان: هاي هااااي هادشي زيين.. فينك الجنية رنيم: جيت مع كارمن لدارهم سفيان: وديك صاحبتك تيتيزة متشوفيليش معاها رنيم: سير اولدي راه السخانة طلعات ليك سفيان: ياااااك رنيم: وييي.. ياله تلاح دبا راه فيا نعاس سفيان: واخة الالة ياله تهلاي فراسك..... قطعات وهي تجي عينيها فاوستن لي كان فالجردة وكيشوف فيها... مداتهاش فيه.. نزلات ودخلات للبيت تكات........... جات كارمن كتفيقها ناضت كتوجد راسها.. لبسات حوايجها وشعرها رجعاتو كورلي.... دارت مكياج خفيف ونزلو... ركبات اللور وكارمن جلسات حدا خوها..... بعد دقائق كانو وصلو دخلو لقاو الدنيا عااامرة.... كانو صحاب اوستن كيتسناوه.. تسالمو وكانو كيعرفو حتى كارمن جلسو مجمعين كيهضرو ويضحكو ورنيم غير كتشوف... جا السرباي طلبو اش بغاو ورنيم خدات مشروب بدون كحول.... بعد لحظات ناض اوستن هدر مع واحد ورجع مبتاسم....
