رنيم: هااا العميد: (بابتسامة) رنيم يا رنيم انا قلتلك غير كوني صديقة ولدي ماشي شي حاجة سفيان: بلا ماتعيي راسك معاها ابابا راها قبيحة العميد: هههه نو هي مغاديش تخسرلي خاطري يااك رنيم: (مزالة مصدومة) احم صافي واخة سفيان: (بفرحة) صافي قبلتي رنيم: (عوجات فمها) اه العميد: هههه ياله سيرو تقراو.. بجدية.. تحركو..... خرجو رنيم غادية وكتفكر وسفيان موراها كيشوف فيها ويضحك... دارت شافت فيه وعاودات شافت قدامها وهي كتحك فراسها سفيان: (جا قدامها) مالك.. فاش كتفكري رنيم: (بتساؤل) دبا باباك هو العميد سفيان: اه رنيم: وقاليا دبا نكون صديقتك نتا سفيان: اه رنيم: وكيدار عرف سفيان: انا قلتهالو رنيم: (عاودات حكات راسها) وانا دبا خاصني نكون صديقتك سفيان: هههه الى بغيتي رنيم: مممم واخة مي جمع يديك هاد المرة الى قستيني غادي.. سفيان: (قاطعها) اخر مرة كنواعدك رنيم: اوكي زيد قدامي راه غيكون البروف دخل... مشاو بجوج دخلو وعتادرو من البروف وجلسو كيقراو........ هكا دازو الايام ورنيم وسفيان تقربو من بعضياتهم وهي عاد غيرات نظرتها بالنسبة للصداقة مع ولد... كان محتارمها فوق القياس ودوك البنات معاودوش دارو بيهم بالاخص فاش عرفو سفيان ولد العميد... هما دبا ففترة الامتحان كانو جالسين بجوج فالمكتبة كيخدمو سفيان: فهمتي هادي رنيم: عطيني نشوف.. شداتها من عندو كانت فاهمها.. جلسات كتشرح ليه وهو متبع معاها حتى فهمها سفيان: (شد يدها باسها) شكراا رنيم: (ضرباتو لراسو) متعاودش تقيسني الباسل سفيان: (شد راسو وهو يضحك) هههه نااري قبيحة بزااف رنيم: تستاهل ياله حني راسك وقرا..... اب سفيان كان دايز شافهم بدا كيضحك وهو يمشي...... هكا دايرين مي متقدرش تنكر بلي كيحتارمها وعارفاه غير كيبغي يعصبها.... دوزو امتحاناتهم وشدو العطلة.... كانت جالسة فالدار حتى بدا تيليفونها كيصوني.. هزاتو لقات سفيان رنيم: ااش بغيتي سفيان: السلامة ياربي.. قولي غير السلام ماالك رنيم: السلام ياله اش بغيتي سفيان: معمرك مغادي تبدلي.. المهم توحشتك رنيم: وهاا البسالة سفيان: مالك اش فيها راه قلتها بنية صافية رنيم: الله يجعلني نتيق سفيان: ههههه نتلقاو هاد العشية رنيم: وعلاش بالسلامة اش بيني وبينك باش نتلقاك سفيان: صافي قطعي حتى انا حمق حيت معيطليك رنيم: فين غادي نتلقاو سفيان: راني كنتسناك فراس الدرب رنيم: باااز صبر هانا جاية... دخلات لبسات حوايجها وخرجات من بعد ماخدات الاذن من ماماها كان جالس فطموبيلتو سفيان: طلعي رنيم: فين غادي نطلع نزل وزيد قدامي سفيان: مالك فوقما نقولك طلعي مكتبغيش واش مكتقيش فيا رنيم: براكة من ديك الدراما ونزل... تنهد ونزل سد طموبيلتو دار يديه فجيابو وبقاو غاديين سفيان: ايوا متوحشتنيش رنيم: اش غادي نتوحش فيك بالسلامة سفيان: (خربقليها شعرها) جوابك على طرف لسانك الالة باااز رنيم: حيد يديك متقيسنيش
