بنت1: (كتبتاسم) حنا بغينا نبقاو نجلسو بلاصتك دونك منعاودوش نشوفوك جالسة القدام..... رنيم بدات كتشوف فيهم لقاتهم 3دالبنات وباينة فيهم شابعات عياقة رنيم: (طلعات فيهم وهبطات) كنظن حنا ماشي فالابتدائي ولي مشا جلس فشي بلاصة راه عادي.. وغذا الى جيتو قبل مني جلسو متخافوش مغاديش نجي نوضكم بنت2: حنا ماشي بحالك.. كنوضو وندوشو ونقادو مكياجنا عاد كنجيو رنيم: ااه مسحابليش جايين لعرس بنت3: ااسمعي نتيا هدرة وحدة قلناهاليك رنيم: (قربات منها وهي مخنزرة) عاودي اش قلتي... غادي تسمعي نتي نييت.. اخر مرة ترفعي صوتك عليا والا مغاديش يعجبك الحال.... مشات وخلاتهم كيشوفو فيها بغيظ ....: (من موراها) عجبتيني فدوك المعياقات.... دارت شافت فيه وكملات طريقها ....: ايي وشحال عاجبك راسك حتى نتي رنيم: (وقفات ودارت شافت فيه) باغي شي حاجة ....: انا سفيان رنيم: ومن بعد سفيان: ونتي شنو سميتك رنيم: ونتا سوقك.... دارت خلاتو مبتاسم وكيشوف فيها... وصلات لدارها حلات الباب ودخلات لقات شي جيران سلمات عليهم وجلسات جارة1: تبارك الله كبرتي ابنتي فوقاش غادي نفرحو بيك رنيم: فرحي غير مع بنتك اخالتي... ناضت وخلاتها كتقلا فسمها.. طلعات لبيتها وهي تلاح فوق الناموسية ترتاح....... نهار جديد مشات لقرايتها كيف العادة وجلسات حسات بشي حد جلس حداها معطاتش اهمية للامر كانت كتقرا كتاب... حتى شافت يد ممدودة ليها طلعات راسها ولقاتو كيشوف فيها بابتسامة سفيان: مغاديش تسلمي... مدات يديها سلمات عليه ورجعات كتشوف فكتابها... شنو سميتك رنيم: علاش بغيتي تعرف سفيان: عادي هادي شهر وانا كنشوفك وكتقراي معايا وبغيت نعرف.. متخافيش مغاديش نسرقليك سمية رنيم: رنيم صافي هانتا عرفتيها سفيان: مممم رنيم سمية زوينة بحال مولاتها رنيم: وهاا لي مبغيناش.. نوض اخويا من حدايا سفيان: لاء غادي نجلس هنا..القسم ماشي ديالك.... خنزرات فيه ودارت دخل البروف وبداو الدرس وهو كل دقيقة كينغزها ويبغي يهضر معاها وهي مكتجاوبوش حتى مل... سالات الحصة جمعات كتوباتها وجات خارجة حتى تجرات من صاكها رنيم: (دفعاتلو يديه) اش بغيتي سفيان: مالكي قبيحة رنيم: (هزات صبعها) سمع نقوليك.. انا معنديش مع ديك البسالة والهضرة فوسط الحصة.. انا جاية نقرا ماشي نتفلا سفيان: حتى انا جاي نقرا مي بغيت تكون عندي صديقة رنيم: وانا سوقي سير قلب عليها سفيان: هانا لقيتها.. هاهي قدامي تبارك الله زوينة وذكية وخا قاسحة مي ماشي مشكل رنيم: اللهم طولك يا روح واش باغي طرطقلي المرارة سفيان: لا علاش.. انا بغيت نكونو اصدقاء وصافي...... رنيم مجاوباتوش ودارت وصلات للباب جات تحل وهي تلقاه مسدود رنيم: اويلي شكون سد الباب... كدق... حلوووو البنت: (من مور الباب) المجتهدة ديالنا تصبحي على خيير هههههههه رنيم: (تعصبات) حلي الكلبة... جا سفيان حداها كيدق حتى هو وهي تشوف فيه... تافقتو عليا ياك سفيان: انا ماشي برهوش... بدا كيدق ووالو وهو يرجع هز تيليفونو رنيم: اناااري تعطلت.. اليوم ياكلني بابا اويلي ياويلي ياويلي ياويلي سفيان: سكتي شوية ضريتيني فراسي.. بعد مدة قليلة سمعات الباب كيتحل الشخص: سمحلينا اسي سفيان سفيان: مكاين مشكل... ياله زيدي..... خرجات وهي مستغربة من 'سي سفيان'.. بقات كتساأل شكون هدا... حتى نغزها رنيم: شنو سفيان: زيدي نوصلك رنيم: لا بعد مني انشد طوبيس ولا طاكسي سفيان: اوكي لي بغيتي....
