يوم جديد دوزاتو رنيم برة كيف العادة رجعات للدار عياانة.. حلات الباب وهي تلقا اوستن جالس كيتفرج وكياكل البيتزا شافها وهو ينوض لعندها اوستن: مالك رنيم: والو غيير عييت اوستن: اجي جلسي ترتاحي... مشا هز ديك البيتزا داها للكوزينة ورجع لعندها لقاها متكية ومغمضة عينيها.. مشا جاب غطا غطاها وجلس كيشوف فيها.. تنهد وناض من حداها....... حلات عينيها وهي تلقا الظلام قفزات من بلاصتها حتى شداتها الدوخة... ناضت شادة فراسها هزات تيليفونها لقات باقة ساعة على المغرب... هزات صاكها ومشات كتجر فرجليها لقات كارمن واوستن فالكوزينة كارمن: ارتاحيتي اختي رنيم: وي مي علاش خليتوني نعس المغرب مبقالو والو ويودن ومزال موجدت والو كارمن: نو متخمميش انا واوستن وجدناليك الماكلة رنيم: (شافت فاوستن) شكرا اوستن: (بابتسامة) ياله سيري بدلي حوايجك ورجعي رنيم: اوكي.... بدلات حوايجها وتوضات وصلات صلاتها.. رجعات للكوزينة لقاتهم حاطين الطبلة ومسخنين الحريرة لي بقات.. شوية وهو يودن جلسو مجموعين فرقات صيامها ومشات صلات وهي ترجع... فطرات رنيم عاد رجعات فيها الروح ناضت كارمن هي لي جمعات الطبلة وغسلات الماعن.. بقات هي جالسة اوستن: (شد يديها باسها) عييتي هاد النهار رنيم: اه اوستن: فين كنتي جيت عندك للجامعة مي ملقيتكش.. كنت باغي نجيبك للدار رنيم: مشيت شريت شي حاجات داكشي علاش عييت مع هاد النهار الشمس اوستن: اوكي.. نوضي لبيتك نعسي وارتاحي رنيم: لا بلاش غير خليني هنا.. الى نعست غادي نزيد ندوخ غير خليني اوستن: وانوضي دوشي نتي كاع غادي ترتاحي رنيم: وي بالصح عندك الحق.. انا غادية..... ناضت هزات حوايج نقيين وفوطة ودخلات للدوش.. دوشات وحسات براسها ياله فاقت مزيان... لبسات بيجامتها ولوات الفوطة على شعرها وخرجات... مشات لبيتها هزات شي حاجات ومشات لبيت الجلاس لقاتهم جالسين كيتفرجو رنيم: اوستن وكارمن بغيت نعطيكم شي حاجة كارمن: (بحماس) شناهيا... مدات لكل واحد فيهم القران الكريم رنيم: هذا هو القران.. مشيت قلبت عليه وراه مترجم... غادي نكون فرحانة الى قريتوه.. وبالنسبة لك ا اوستن هنا كاينين الاجوبة ديالك... البارح مبغيتش نعطيك اجوبة من الايات الشرعية وانما من العلم لي كتامن به... وفالقران غادي تلقا اشياء عاد اكتاشفوها العلماء وهي كاينة هنا منذ قرون.... اوستن خداه من عندها بدون ميتكلم كارمن: اصلا كنت باغية نقوليك فين نلقاه متحمسة نعرف الدين الاسلامي رنيم: مزيان واي حاجة احتاجيتيها سوليني عليها ونقدرو نبحثو عليها انا وياك كارمن: اوكيي... رنيم بقات كتشوف فاوستن لي حط القران حداه وجلس كيتفرج تنهدات وناضت لبيتها
