اوستن: (كيشوف قدامو) كنتذكر أول مرة شفتك فيها.. أو نقولو أول مرة عرفت بلي نتي هي فتاة أحلامي.. كنت كنقول خاصني نحصل عليك وإلا غنموت... كانو عندي خطط لعلاقتنا مي دبا معندي حتى خطة.. تالف ومعارف مندير... لي عارف هو نتي أهم شخص عندي فهاد الحياة رنيم: (كتمسح دموعها) نتا عارف بلي كنبغيك مي داك التحكم مكيعجبنيش اوستن: (تنهد) غادي نبداو من جديد اوكي.. كنواعدك بلي غادي نحاول نتفهم حياتك جديدة مي نتمنا حتى نتي ديري باعتباري وتحاولي تقللي من احتكاكك بالمعجبين رنيم: (جات قدامو وشدات يدو) كنوااعدك اوستن: (عجباتو حركتها) اوكي... حدر عندها وطبع قبلة على راسها.. اي لوف يوووو رنيم: (بابتسامة) مي توو اوستن: (حط يديه على حنكها) شنو نديرو احبيبتي الصغيورة رنيم: (طلعات حاجب) ايوا جمع يديك متزيدش فيه اوستن: هههههههه معمرك تبدلي.. غادي نعاني معاك حيت نتي ماشي رومانسية رنيم: الى كانت الرومانسية هي تقيس فيا والبوسان والتعناق.. اسيدي انا ماشي رومانسية اوستن: هههههه واااخة الالة.... داز الوقت وهما كيهضرو ويضحكو... ياكما جاك البرد رنيم: (جامعة يديها عندها) ويي ياله ندخلو للطموبيل اوستن: (قرصها فحنكها) واخة الزوينة رنيم: جمع يديك... مشات دخلات للطموبيل وتبعها وهو كيضحك عليها...... دازو ايام وبداو كيعيطوليها للحفلات.. قبلاتهم كاملين لانهم كانو بمبالغ كبيرة ولي صعيب ترفضهم... الكونط ديالها عمر واول حاجة دارتها سيفطات الفلوس لباباها مي ماشي غير على قبل تسنيم وانما حتى شادي غادي يجي لكندا يقرا... هاد الاخير لي فاش عرف طار بالفرحة مي شرطات عليه ختو يشد الباك ديالو بنقطة كتحمر الوجه وشرطات على ختها تشد الاجازة ديالها بنقطة مزيانة.. ويسيفطوليها وراقيهم وهي لي غتكلف بدفيع الجامعات... شهر رمضان الكريم على أبوابو ولاول مرة رنيم غدوزو بعيد على عائلتها... خرجات تقدات بعض الاشياء لي غادي تحتاج رجعات هازة ساشيات بزاف.. حليها اوستن الباب اوستن: اش هادشي جايبة معاك وعلاش تعطلتي رنيم: وخليني ندخل بعدا اوستن: (خدا منها الساشيات) زيدي... دخلات حيدات صباطها وجلسات ترتاح... ايوا فين غبرتي رنيم: مشيت تقديت شي حاجات ناقصيني... غذا رمضان ودبا غادي نوض نوجد الصحور اوستن: (باستغراب) كيفاش مفهمتش
