مشا سفيان ودخل باباها وتبعو حمزة بابا: اش داك لبنتي باش تهضر معاها شرحلي حمزة: وراه شفتها خارجة من طموبيل هداك يعلم الله فين كانو.. جا يهضر باباها وهي تقاطعو رنيم: سمعني مزيااان... غادي تحتارم راسك ولا خرج علينا من دارنا.. ماشي نتا لي غادي تحاسبني حيت ماعندك حتى سلطة عليا.. هاااهيا مراتك شفتيها سير هضر معاها هي وعندك ختك سير تحكم فيها هي اما انا بعييييدة عليك كل البعد.. واخر مرة نلقاك قدامي...... طلعات لبيتها وهي تزدح الباب حتى تسمع بابا: (هز صبعو قدام وجهو) انا لي باباها ومعمري قستها وانا لي عندي الحق نقوليها فين مشيتي وفين جيتي.. نتا دخل سوق راسك فهمتي...... مشا لبيتو وخلاه واقف هز عينو فمراتو ولقاها كتخنزر فيه حمزة: ماالك سهيلة: غير قولي شنو دخلك فيها حمزة: راه شفتها هابطة من طموبيل ديال ولد سهيلة: ونتا سوقك راه عندها باباها اش دخلك حمزة: (بعصبية) صافي سكتي متزيديش تعصبني حتى نتي.... رنيم دخلات لبيتها وهي معصبة تسنيم: مالك رنيم: افف فقسني داك ولد عمك.. وشوهني مع الولد تسنيم: اش دار عوتاني رنيم: كان بغا يضربني كون ماشي سفيان لي شدو.. زاد فيه كااع تسنيم: صافي حتى نتي متديهاش فيه راكي عارفاه كيداير رنيم: صافي المهم غذا انمشي البحر مع سفيان تمشي معايا تسنيم: (بفرحة) اه نمشي وشنو غنبقا ندير فالدار رنيم: هههه واخة... ناضت بدلات حوايجها ومشات للطواليط غسلات وجهها ودارت كريم ديالها ورجعات للبيت.... تكات فوق ناموسيتها تسنيم: ايوا كيدازت الحفلة رنيم: زويينة.. وخا تصدمت بشي حوايج تسنيم: شناهما رنيم: سفيان عندو اخت توأم ومسكينة ماتت هادي 7 سنين الله يرحمها.. قالتلي ماماه بلي خرج برى المغرب ومن بعد عامين جا يطل عليهم.. كان جا عند باباه للمدرسة وتما شافني.. قالك كنشبه لختو داكشي علاش بقا وبقا كيحاول حتى رجعت صديقتو تسنيم: مسكيين بقا فيا رنيم: وي حتى انا بالاخص فاش ماماه عنقاتني وبقات كتبكي.. خرج مسكين بالزربة تسنيم: الله يصبرهم رنيم: اميييين..... بقاو مجمعات حتى غمضو عينيهم ونعسو... دخل حمزة بشوية لعندهم جلس حدا رنيم فالناموسية دوز يديه على وجهها وهبطها على جسدها......... صبح الصباح فاقت رنيم مشات للطواليط غسلات وجهها ومشات فيقات تسنيم.. هبطو فطرو لقاو باباها وماماها وسهيلة وشادي وحمزة رنيم/تسنيم: صباح الخير الكل: صباح الخير... فطرو جا ينوض باباها وهي توقفو رنيم: احم بابا بابا: نعام رنيم: نقدر نخرج انا وتسنيم هاد الصباح بابا: فين رنيم: (حكات راسها) للبحر بابا: (هز حاجب) اش غديرو فالبحر وياك نتي كتخافي ومبقيتيش كتعومي رنيم: اه مي غير غادي نفوجو شوية وصافي بابا: اتمشيو غير بجوج
